肥媽20歲餅印大孫女曝光 西方面孔講流利廣東話

肥媽（Maria Cordero）的大孫女最近由英國返港，肥媽帶乖孫去飲茶，並拍片一齊出鏡。肥媽寫道：「我個大孫女返咗香港，幾年無見，真係好耐無見喇，孫女話想飲茶，特登帶佢去，食佢鍾意食的點心。」片中見肥媽笑到見牙唔見眼，一開始就拎住條孫女送贈的絲巾炫耀一番，大笑說：「真係好溫暖呀！」肥媽透露大孫女是「老五大女」，今年20歲。雖然大孫女擁有西方面孔，但操得一口流利的廣東話，並遺傳了肥媽的曲髮、大眼睛和燦爛笑容，嫲孫如同餅印好似樣；有網民讚大孫女有明星相，具潛力參加香港小姐。

 

而幫手拍片的黑妹姐表示見到肥媽的孫女便覺得自己好老，肥媽與孫女一唱一和，肥媽說：「我哋姊妹嚟㗎」，孫女接着說：「嫲嫲好young！」肥媽笑言黑妹可以跟孫女一齊去蒲，好玩得。肥媽更透露大孫女好孝順，不時會到爸爸的餐館洗碗，令她非常心疼，孫女即急忙解釋：「係打hockey（曲棍球），OK啦。」

 

收到孫女送嘅絲巾，甜在心頭。

肥媽真係笑到見牙唔見眼。

見到孫女隻手粗晒，好肉赤。

肥媽曾做2020年港姐冠軍謝嘉怡嘅港姐提名人。

 

星島新聞集團慶回歸25周年專題網站，請即瀏覽

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。