黃劍文39歲生日喪唱滿足Fans 關心MIRROR騷傷者：畀啲空間佢哋

黃劍文昨日（5日）39歲生日，他日前與粉絲舉行派對時，唱足全晚滿足Fans要求，更邀請新歌《人間飄浮》編曲人KTSANG 鋼琴伴奏。笑言每年生日都與Fans度過的他，今年邀得羅沛淇、陳安立及劉智衛等出席，林希靈更帶自製「醉愛黃劍文」燈牌到場。黃劍文的家人也有現身，令他感驚喜說：「起初我都係問吓佢哋嚟唔嚟，點知佢哋一口答應，有屋企人陪住過生日一定特別開心。（有冇被長輩催婚？）我家族好大，佢哋已經好多『孫仔』要見面，所以唔會逼我，反而畀我自由咁追夢。」

 

黃劍文唱足十多首歌報答歌迷，猶如小型音樂會。

黃劍文生日過得好開心。

黃劍文的家人拉隊到場。

 

半百粉絲出席派對，黃劍文收到Fans送上結他作為禮物，令他嚇一跳。之後要到美國工作，他揚言會「速去速回」，不會趁機旅遊：「因為家中貓貓都病晒，所以都唔想去，但人哋邀請咗幾次唔去唔得，所以靠經理人幫手日日餵貓，我叫佢不時拍片、視像通話，我應承咗啲貓貓，一做完嘢就返嚟陪佢哋，所以唔會考慮玩多幾日。」

對於早前紅館所發生的意外，黃劍文坦言擔心傷者情況，但他認為純粹個別事件：「因為香港整體表演場地都係安全嘅，所以再去表演都唔會太擔心。呢刻大家畀多啲空間傷者同家人，亦畀啲時間MIRROR成員消化成件事，畀啲空間佢哋。」

 

圈中好友不但到場，更舉起自製「醉愛黃劍文」燈牌支持。

黃劍文對MIRROR演唱會發生意外，坦言擔心傷者情況。

阿Mo（右）在MIRROR演唱會上受傷，獲不少圈中人關心。

 

星島新聞集團慶回歸25周年專題網站，請即瀏覽

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。