頭條戲場丨《殺手列車》超好睇勁暴力爆血動作喜劇

 

電影改編自伊坂幸太郎的日本懸疑推理小說 《瓢蟲》,由《殺神John Wick》系列監製兼《死侍2》導演 David Leitch執導。講述地獄黑仔王殺手「瓢蟲」(Brad Pitt飾)要登上列車執行任務,發現全車有6個殺手(計埋佢),個個各懷鬼胎。一套睇到好忙嘅戲,我指對眼好忙,事關由頭打到尾,又刀又劍又槍又炸彈又拳腳,超強爆血度,仲要好好笑,加埋出色配樂,爛番茄新鮮度得59%,我覺得唔使理佢囉。(剛上映)撰文:廖思慧
 

要乜有乜睇到好爽

導演表示執導此片最大的挑戰是:「點樣喺一個規範嘅空間(一列子彈火車內),拍出一部緊張刺激嘅動作電影?」所以一向創意澎湃嘅導演發揮小宇宙,高質展示殺手們點樣喺子彈火車的餐卡內廝殺、在靜音車廂中埋身肉搏、又喺狹小的洗手間內槍口對決。電影有大量動作場面,笑點亦非常多,劇情轉折位一隻手數唔晒,角色之間好似好關事但其實又唔太關事,雖然角色眾多,但導演節奏上拿捏得好,理解力低嘅人都絕對睇得明。

特別讚好柑桔(Aaron Taylor-Johnson飾),未見過有人做衰格嘢可以咁有型,客串巨星相當驚喜。
 

58歲的畢佬由頭打到尾,戲中飾演地獄黑仔王,但其實最Lucky係佢。

因為有殺手唔舒服,有情緒問題嘅畢佬頂上。

佢哋係(左)檸檬(Brian Tyree Henry飾)同柑桔,負責搞笑,睇吓柑桔幾有型。

畢佬同柑桔喺餐車打到黐線,睇到好肉緊。

半數殺手為咗呢個箱爭餐死。

佢係王子,唔好俾佢個樣呃倒,全片最壞。

殺手之一嘅黃蜂(Zazie Beetz飾)專長係變裝,仲有特別嘅殺人武器,死狀好恐怖。

真田廣之飾演黑幫長老,出鏡唔多但超有霸氣,仲要有搞笑演出。

車外高速「飆過」的日本風景,由Lux Machina負責的超巨大LED顯示屏加日本實地拍攝影像組合而成。

 

見到福原凱倫有個人海報以為佢戲份都幾重,搵笨嘅。

星島新聞集團慶回歸25周年專題網站,請即瀏覽

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

銀赫喪父變菲律賓節目問答題 嘉賓主持嬉皮笑臉惹Fans不滿

王浩信離婚丨異性緣極旺多年緋聞不絕 陳自瑤誓跟蔡思貝「有你冇我」

林志穎完成顏面手術 陳若儀緊握夫手報平安:看見曙光

今日的網漫丨南潤壽封貼地男神 自爆遭車銀優搶走校草稱號

都市網新聞