李司棋讚「網友」似白馬王子緊張到失眠 軒仔望請前輩拍MV演瘋狂角色

張敬軒和李司棋兩人看似「大纜扯唔埋」，但他們不約而同在社交媒體十分活躍，早已成為「網友」，因此司棋姐也得知軒公「無啖好食」；相反軒公又有留意司棋姐經常拍下廚片，而近日兩人獲品牌撮合一同拍廣告，司棋更自言為此失眠：「我好緊張，幾十歲人都未試過，因為從來冇見過軒仔真人，我好鍾意佢對眼，一望到佢對眼就唔記得對白，我鍾意咗佢好耐，佢個樣好似我細個睇公仔書入面嘅白馬王子。」

 

兩人日前一同拍廣告。

 

軒仔七情上面喎。

 

聽到司棋大讚自己後，軒公亦禮上往來說：「我都好開心，終於同網友見面，其實我哋喺網上識咗一段長時間，好鍾意睇佢啲帖文，睇佢食嘢特別好味，好欣賞佢著衫嘅穿搭，對生活嘅品味，今日司棋姐仲親手整咗茶燻雞請我食。」司棋姐聞言即笑謂：「我見到軒仔朝早要食嗰種早餐，其實我都試過，所以有衝動想過去佢度幫手煮幾日早餐，尤其見到軒仔父母唔喺身邊，冇人照顧，加上工作又忙，睇到我好肉赤。」

最後，軒公表示一直想找司棋姐做MV女主角，安排一個劇力萬鈞角色給她，但見到司棋姐真人後，發覺她生活和銀幕上是兩個人，反而覺得找她做一些好瘋狂、好多面的角色，司棋姐答允若軒仔日後邀請必定幫忙。

 

原來軒仔一直也想跟司棋姐合作。

 

軒仔「遮遮」的傑作。

 

軒仔父母不時長時間留港。

 

司棋姐經常在社交網分享炮製美食。

 

星島新聞集團慶回歸25周年專題網站，請即瀏覽

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。