李敏鎬罕露胸肌扮跳水失敗 再PO成功翻騰入水照獲163萬讚好

李敏鎬已確定與孔孝真合作拍攝新劇《問星星》，是韓國首次以「國際太空站」為背景的電視劇。 李敏鎬飾演以宇宙觀光客身份來到太空站、使命感爆棚的婦產科醫生「孔龍」，孔孝真則飾演美籍韓僑太空人「Eve Kim」，下年有得睇，劇迷應該非常期待。

 

李敏鎬同孔孝真。

 

李生今日喺IG上載咗條跳水片，帖文係：「今年夏天精通了跳水。 」不過片中嘅佢開始跑去跳台，乜動作都冇做就直接撻落泳池，個頭上返水後仲忍唔住笑。由於罕見李生露肉加上好好笑，段片話咁快吸咗163萬個Like 。

 

好大隻嘅李敏鎬預備跳嘞。

 

彈吓先。

 

撻Q直接跌落水。

 

呢張好好笑。

 

上水忍唔住笑。

 

你以為李生跳水失敗?佢之後再Po成功跳水連環圖，空中翻騰動作做得好俐落，雖然水花都有啲大。最後仲有寶物，就係李敏鎬嘅自拍，留言：「筋疲力盡。 」零妝加上濕髮，好靚仔呀。

 

再PO成功版。

 

翻騰動作好俐落。

 

厲害。

 

會唔會太靚仔?

 

皮膚好靚呀。

 

星島新聞集團慶回歸25周年專題網站，請即瀏覽

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。