鍾嘉欣騷泳裝孕照暗示今胎佗仔 向腹中BB高呼：我已經好愛你

鍾嘉欣（Linda）婚後育有一子一女，早前在38歲生日當天宣佈有第三胎，今日Linda在社交網晒出新一輯孕照，穿上粉紫色泳衣，挺着巨肚在池邊留影，上圍勁升級，但肥B不肥人，Keep住瓜子臉及纖幼四肢，真是得天獨厚。她叫大家估今胎BB是男還是女，並向腹中胎兒說：「I already love you.（我已經好愛你）」，滿滿的愛。

 

Linda對腹中BB講：「我已經好愛你。」

肥肚唔肥人，認真得天獨厚。

Linda趁天氣好，去池邊晒太陽。

Linda婚後育有一子一女，第三胎真係生仔生女都咁開心。

 

Linda昨日亦有拍片叫大家估腹中BB性別，穿上藍色貼身裙外襯白色外套，言談間暗示今胎佗仔。Linda講了很多佗仔和佗女的分別：「佗仔呢，佗得低，手腳係好纖瘦，淨係個肚突出嚟就可能係仔。如果你另外一半冇增磅、皮膚好靚冇暗瘡，好透好glowing就係仔。如果佗女會嘔得好犀利、荷爾蒙高高低低情緒化到不得了，我都有少少，但而家我幾穩定每日都幾開心，如果佗得高係女，但我覺得我佗得幾低。佗女會鍾意食啲好甜嘅嘢，我又冇。」

Linda更玩擲銀仔，最後連擲兩次都是「字」代表生男仔，她指着個天說：「佢估緊我佗仔。」不過嘉欣表示仔女都沒有所謂：「仔女都好，最緊要都係健健康康。」

 

Linda仲未透露今胎BB性別。

Linda連擲兩次都係「字」，唔通係個天畀提示？

 

 

 

 

星島新聞集團慶回歸25周年專題網站，請即瀏覽

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。