Chantel雨過天青心情輕鬆開Live 自爆回歸騷險出意外嚇親小菲象

現年15歲的「國民初戀」姚焯菲（Chantel），日前爆出有男朋友，網上又傳出兩人合照和短片，擾攘幾天後，姚父入稟高院申請民事訴訟。至於當事人Chantel已收拾心情，日前除在社交網分享跟同學的相片外，並已重新投入工作，在昨晚（7月1 日）的回歸騷亮相，聯同鍾柔美（Yumi）及詹天文（Windy）又唱又跳一曲《發熱發亮》。

Chantel原定今日在荃灣出席活動，但因今早至午仍一直懸掛8號風球，因此活動取消，為免一眾「小菲象」（粉絲名稱）失望，Chantel在今午於社交平台做直播跟小菲象互動傾偈，過程中見她不時露出甜笑，心情輕鬆，看來事件對她來說已雨過天青。

 

由於今日工作取消，故做直播跟小菲象傾吓偈。

 

直播時Chantel心情相當唔錯。

 

錄播的回歸騷，Chantel亦有份參與。

 

Chantel即將推出新歌《#BFF》，她率先分享拍MV趣事：「有一幕我要食雪糕，工作人員買咗十幾支，因為佢哋驚未拍完我哋已經食晒，或者驚拍出嚟效果唔好，所以就買定好多支。當初諗住NG多幾次可以食多幾支，點知食完一條就飽咗。」

此外，Chantel又談到錄播回歸騷遇到的驚險事：「我同Windy、Yumi唱《發熱發亮》，有一個升降台我哋升上嚟，後面係空，我企到好埋後面，跟住我差啲跌咗落去，好彩Yumi拉住我。」真的幸好有驚無險。為了幫小菲象定驚，Chantel清唱《#BFF》的一小段，還有葉巧琳的《難道我還未夠難》，不少「小菲象」留言大讚。 

 

Chantel（中）自爆差少少跌落台，幸好Yumi（左）一手扶着她。

 

姚父日前入稟展開民事訴訟。

 

星島新聞集團慶回歸25周年專題網站，請即瀏覽

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。