头条独家丨《造星III》CY未见过老板视Eason为目标 古天乐组公司头炮力捧新人

2020年，CY陈宗泽（前名陈泽言）参加《全民造星III》夺得第8名，当时他跟《头条娱乐》坦认有大公司招手，不过要小心选择，拣足两年终签新公司“One Cool ChillGOOD”正式出道，推出新歌《神经刀》，公司据指是古天乐及古巨基所成立。一向直肠直肚的CY笑言冇接触过两位老板，但觉得公司让他用回真名，又承诺年底帮他开骚，觉得公司好有爱。CY又以偶像陈奕迅为目标，开世界巡唱。采访：杜杜 摄影：沈健程　造型：Anthony Tong、Ivan Wong　发型：caty@artifyLab　化妆：@wi11wongofficial　服装：Vo-yage　场地：Finest Design Nest

CY坦承《神经刀》绝对是他的写照，曾是个不懂表达及好自我保护的人。

 

《神经刀》幕后制作班底强劲，由吴林峰作曲、黄伟文填词、王双骏监制及编曲。

CY参加《造星III》前，在尖沙咀酒廊任职Bartender，当时曾参加酒廊举行的歌唱比赛夺冠并签约经理人，直到打入《造星III》十强后才解约，由姑姐暂代经理人一职。当时本报已收到风有多间公司向他招手，当时CY亦承认当中有大公司，更表示，“我对呢行真系唔熟，突然有啲公司话想签你，我个人好棹忌签约𠮶啲嘢，会清楚了解晒所有嘢先至落决定。”

 

《神经刀》MV制作团队由张蚊伙拍Veronica Bassetto联合执导，陈苡臻任女主角。

 

CY《造星III》时，以朋友改的艺名“陈泽言”参赛。

年尾有机开演唱会

做了两年多独立歌手，CY坦认过程好艰难，“由零到参加《造星III》，好多嘢冇支援，原来姑姐一路有同?家公司接洽，互相沟通时慢慢改变咗我某啲谂法，而大家嘅谂法亦好相近，例如公司赞成我用返自己个名陈宗泽，想呈现返最真实嘅自己出嚟，觉得公司好有爱。”另外，公司亦有实质计划，令到CY更有信心动笔签约，“譬如年尾出到几个作品嘅话，就会有个属于我嘅live show。”

 

CY参加《造星III》，虽是独立歌手，仍吸纳了不少粉丝。

 

《造星III》导师彭秀慧赐CY“神经刀”之名，CY很尊敬对方，新MV亦第一时间给对方睇，“不过佢讲笑话叫《神经刀》，点解唔揾佢拍。”

CY签约的“One Cool ChillGOOD”由古巨基太太陈英雪（Lorraine） 及古天乐经理人Ronnie成立，但外间盛传幕后老板其实是古巨基和古天乐，CY表示完全冇接触过“双古”，连电话都未讲过，就连古巨基太太都鲜有联络，不过问到会否想跟两人合作，他亦答得醒目：“有机会嘅话，我梗系想偷吓师啦！”

去年，CY以独立歌手身份，跟前辈关心妍推出合唱歌《腍》。

 

古天乐近年为培育新人，不遗余力。

唔戴眼镜超唔习惯

重新出发的CY连招牌眼镜都失踪，他笑言对新形象仍未完全接受，“我好钟意，讲笑啦！哈哈！我仲习惯紧，都系睇惯自己戴眼镜，但试吓多啲唔同面向都冇坏嘅。”他更自爆戴眼镜形象曾令他错失工作机会，“化妆品𠮶啲，可能因为戴眼镜个image唔系好啱。”不过由小学已是四眼仔的他，觉得少了安全感，“当你做开一样嘢，做咗十几廿年，突然唔畀你做，都会有啲唔惯要时间适应。”

CY新look不单观众要适应，连他自己都仲未习惯。

 

《造星III》后，CY为ViuTV主持《囝囝女女730》，令他口才有所进步。

正式出道的CY，自言跟两年前参加《造星III》时相比有进步，但都只是刚合格，“如果我用?家标准，《造星》直头唔合格，?家都系进步咗啲啲，50几分咁，哈哈！自己多嘢讲咗，因为以前我好跳嘅，成日讲讲吓唔知讲咗去边。”对于如何在一众新人中突围而出，CY却没多想，“我又冇谂比较呢啲嘢，大家都系新人，一齐进步啦。”对于奖项他亦睇得好淡，“我觉得最紧要系做好自己啲歌先。”不过讲到奋斗目标他就好清晰，“我希望他朝一日好似Eason（陈奕迅）咁就好嘞！不过真系太遥远，想好似佢咁开到巡回演唱会，喺世界各地都可以留低我嘅足迹。”

记者揾来同期出歌的“造星战友”黄剑文拍片鼓励 CY，他睇完好感触话：“如果佢喺身边更好。”

 

星岛新闻集团庆回归25周年专题网站，请即浏览

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。