頭條獨家丨《造星III》CY未見過老闆視Eason為目標 古天樂組公司頭炮力捧新人

2020年,CY陳宗澤(前名陳澤言)參加《全民造星III》奪得第8名,當時他跟《頭條娛樂》坦認有大公司招手,不過要小心選擇,揀足兩年終簽新公司「One Cool ChillGOOD」正式出道,推出新歌《神經刀》,公司據指是古天樂及古巨基所成立。一向直腸直肚的CY笑言冇接觸過兩位老闆,但覺得公司讓他用回真名,又承諾年底幫他開騷,覺得公司好有愛。CY又以偶像陳奕迅為目標,開世界巡唱。採訪:杜杜 攝影:沈健程 造型:Anthony TongIvan Wong 髮型:caty@artifyLab 化妝:@wi11wongofficial 服裝:Vo-yage 場地:Finest Design Nest

CY坦承《神經刀》絕對是他的寫照,曾是個不懂表達及好自我保護的人。

 

《神經刀》幕後製作班底強勁,由吳林峰作曲、黃偉文填詞、王雙駿監製及編曲。

CY參加《造星III》前,在尖沙咀酒廊任職Bartender,當時曾參加酒廊舉行的歌唱比賽奪冠並簽約經理人,直到打入《造星III》十強後才解約,由姑姐暫代經理人一職。當時本報已收到風有多間公司向他招手,當時CY亦承認當中有大公司,更表示,「我對呢行真係唔熟,突然有啲公司話想簽你,我個人好棹忌簽約嗰啲嘢,會清楚了解晒所有嘢先至落決定。」

 

《神經刀》MV製作團隊由張蚊夥拍Veronica Bassetto聯合執導,陳苡臻任女主角。

 

CY《造星III》時,以朋友改的藝名「陳澤言」參賽。

年尾有機開演唱會

做了兩年多獨立歌手,CY坦認過程好艱難,「由零到參加《造星III》,好多嘢冇支援,原來姑姐一路有同?家公司接洽,互相溝通時慢慢改變咗我某啲諗法,而大家嘅諗法亦好相,例如公司贊成我用返自己個名陳宗澤,想呈現返最真實嘅自己出嚟,覺得公司好有愛。」另外,公司亦有實質計劃,令到CY更有信心動筆簽約,「譬如年尾出到幾個作品嘅話,就會有個屬於我嘅live show。」

 

CY參加《造星III》,雖是獨立歌手,仍吸納了不少粉絲。

 

《造星III》導師彭秀慧賜CY「神經刀」之名,CY很尊敬對方,新MV亦第一時間給對方睇,「不過佢講笑話叫《神經刀》,點解唔搵佢拍。」

CY簽約的「One Cool ChillGOOD」由古巨基太太陳英雪(Lorraine) 及古天樂經理人Ronnie成立,但外間盛傳幕後老闆其實是古巨基和古天樂,CY表示完全冇接觸過「雙古」,連電話都未講過,就連古巨基太太都鮮有聯絡,不過問到會否想跟兩人合作,他亦答得醒目:「有機會嘅話,我梗係想偷吓師啦!」

去年,CY以獨立歌手身份,跟前輩關心妍推出合唱歌《腍》。

 

古天樂近年為培育新人,不遺餘力。

唔戴眼鏡超唔習慣

重新出發的CY連招牌眼鏡都失蹤,他笑言對新形象仍未完全接受,「我好鍾意,講笑啦!哈哈!我仲習慣緊,都係睇慣自己戴眼鏡,但試吓多啲唔同面向都冇壞嘅。」他更自爆戴眼鏡形象曾令他錯失工作機會,「化妝品嗰啲,可能因為戴眼鏡個image唔係好啱。」不過由小學已是四眼仔的他,覺得少了安全感,「當你做開一樣嘢,做咗十幾廿年,突然唔畀你做,都會有啲唔慣要時間適應。」

CY新look不單觀眾要適應,連他自己都仲未習慣。

 

《造星III》後,CY為ViuTV主持《囝囝女女730》,令他口才有所進步。

正式出道的CY,自言跟兩年前參加《造星III》時相比有進步,但都只是剛合格,「如果我用?家標準,《造星》直頭唔合格,?家都係進步咗啲啲,50幾分咁,哈哈!自己多嘢講咗,因為以前我好跳嘅,成日講講吓唔知講咗去邊。」對於如何在一眾新人中突圍而出,CY卻沒多想,「我又冇諗比較呢啲嘢,大家都係新人,一齊進步啦。」對於獎項他亦睇得好淡,「我覺得最緊要係做好自己啲歌先。」不過講到奮鬥目標他就好清晰,「我希望他朝一日好似Eason(陳奕迅)咁就好嘞!不過真係太遙遠,想好似佢咁開到巡迴演唱會,喺世界各地都可以留低我嘅足跡。」

記者搵來同期出歌的「造星戰友」黃劍文拍片鼓勵 CY,他睇完好感觸話:「如果佢喺身邊更好。」

 

星島新聞集團慶回歸25周年專題網站,請即瀏覽

 

 

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

29歲TVB小花谷胸展現逼迫感 黃建東超震驚:做乜夾到變郭珮文?

【STMG x MIRROR獨家有禮】密切留意!加拿大星島送MIRROR多倫多演唱會門票4張 + 12子全員簽名海報10張

方力申開箱Tesla Cybertruck!女星一家疑成車主 吳彥祖倒米叫唔好買?

黎明詩逝世丨莫鎮賢指黎明詩食道癌惡化影響行動拒坐輪椅 揭患病仍出力照顧前夫

都市網新聞