头条独家丨林欣彤怕男友撑场有压力 拍住队长陈国峰开骚好安心
林欣彤(Mag)和陈国峰将于8月跟香港业余管弦乐团合作举行《仲夏夜之韵》音乐会,两人自2010年参加《超级巨声2》后,一直未有机会同台唱歌,Mag认为跟队长同场份外安心,而他们早前都不幸中招,受后遗症影响要更早为开骚做准备。至于跟Anton(冯卓然)公开恋情的Mag ,又话担心男友撑场有压力。采访:杜杜 摄影:沈健程 发型:Franco@Leonardo3 Museum Hair Corner(Mag) 服装:ITeSHOP(Mag)
Mag和当年《巨声2》队长的国峰,原来赛后12年来一直未有同台唱歌机会,她说:“连一啲工作场合要唱吓歌嘅,我哋真系未试过。”因少合作,国峰承认压力特别大,但Mag却刚好相反,她对着队长话:“我系冇乜压力,我交畀你㗎啦!你系散发住令人好安全嘅感觉。”
享受网上放闪
Mag和国峰早前都在第五波疫情中染疫,国峰当时都担心唱唔返歌,“我个range系低咗好多,唱唔到以前唱到嘅歌。”好彩他已大致康复,只是跟Mag一样有脑雾,所以他门都好担心演出时忘记歌词。不过Mag的后遗症就严重得多,“我初初可以出返街,行行吓超级头晕,然后手软脚软冇晒力,会维持两分钟;同埋成日讲讲吓嘢,突然唔记得想讲咩,睇紧中医调理,慢慢好返啲;肺活量好明显差咗,我做返运动,辛苦咗好多,都系做以前同样嘅嘢,最夸张系肌肉好明显松弛咗好多,我弹琴嚿肌肉都好容易攰。”
讲到开骚当日,国峰一定会邀请家人支持,“我都想屋企人见证住,对上𠮶次就带咗哥哥(大仔),因为细佬未出世。”而Mag亦大方承认想男友到场,“如果佢肯嚟梗系好啦!但系我谂我都会有压力囉!(因佢都系音乐人?)系啩!我都唔知。”讲到她最近经常网上放闪,她即撒娇话:“你哋由我啦!未试过嘛!开心嘢都可以share多啲出嚟。”她又呻国峰经常晒家人相却冇人讲,记者即笑她可以学国峰一样组织家庭,她自知失言,“哗!畀咗个氹自己踩,哈哈!我暂时唔想谂呢一步住,想专注返事业先,冇谂得太远。”
星岛新闻集团庆回归25周年专题网站,请即浏览
下载“星岛新闻(加拿大版)”App,随时看到最新最快新闻:
iPhone:https://apple.co/2IBi812
Android:https://bit.ly/2Pe8anu
订阅加拿大星岛网电邮快讯,每天可收到最快新闻资讯电邮: https://www.singtao.ca/subscribe/singtao.php
>>>订阅CCUE YouTube 频道,查看更多吃喝玩乐、生活资讯影片。