頭條獨家丨鄭融曾想放棄唔好辛苦自己 相隔9年再開Show人生無憾

相隔9年，鄭融（Stephanie）將於7月16日假麥花臣場館舉行一場《"TRUTH AND DARE" 鄭融演唱會2022》。由年頭憑一曲《多喝水》奪得「叱咤十大」第4位到即將開show，啟發她要用心做好自己，迎接新事物，咁人生就會無憾。採訪：方騫平 攝影：梁迺枬 髮型：Jamie Lee@Hair 場地：觀塘游牧堂

鄭融體會到藝人壓力。

鄭融信心返晒嚟，笑容都多咗。

鄭融努力Keep fit 中。

疫情嚴峻期間，Stephanie接到開Show邀請，對於主辦單位竟然對佢咁有信心，除咗感動就係難以置信，她興奮地說：「我終於有樣嘢可以向歌迷交代喇！多年嚟佢哋都追問我，究竟幾時開演唱會呢？」所以今次仲會照顧埋海外Fans，會有線上直播可全世界同步睇Show。

演唱會上將展示健康性感。

鄭融近年沉迷運動，但為個唱更加努力練氣。

鄭融對上一次個唱已是2013年。

入行19年好多感受

演唱會主題玩真心話與大冒險，鄭融認為每個人都有自己嘅秘密花園，到時會分享一啲內心說話，亦會唱出心聲及經歷：「好似《借》、《還》、《紅綠燈》、《成就感》、《斷片》等都會唱到。」對於鄭秀文曾擔任關心妍(Jade)演唱會嘉賓為她打氣，明白Jade喺呢行20年唔容易。出道19年嘅Stephanie坦言感同身受：「以前唔係好明白點解啲人想放棄，但當經歷過某啲困難真係覺得好辛苦，加上公眾人物受關注，壓力都幾大，間中就會諗吓放棄，唔好咁辛苦自己！?家過咗個關口選擇留低，反而認識自己更多，又發覺自己唔係冇價值，?家決心大過負能量。」

鄭融近兩年只推出一首作品《多喝水》，但唱到街知巷聞。

鄭秀文曾以嘉賓身份，在關心妍個唱中為她打氣。

2017年，鄭融曾跟連詩雅開Show。

星島新聞集團慶回歸25周年專題網站，請即瀏覽   

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。