陳家樂向張繼聰請教擺酒心得 被催婚Bosco賴忙冇時間識女仔

英皇電影《紮職2》雖然尚未上畫,但由黃宗澤(Bosco)、陳家樂、張繼聰、周勵淇、鄭浩南、陶大宇等主演的《紮職3》已搶閘開拍,三位男主角都相當雀躍!經過上集的寶貴經驗,家樂笑指已做足準備,招架Bosco與阿聰兩位「破壞王」,他表示:「面對兩位出名『搞禍』劇本嘅高手,我好難忍到笑,明明係好正經嘅場面,埋位前兩個經常將對白改到好好笑,但一開機又可以變返正經,所以呢集我會盡量忍住!」

 

一眾台前幕後齊集進行開鏡儀式。

 

陳家樂不停接戲,努力賺錢養老婆。

 

阿聰亦坦言見證家樂的成長:「第一次認識,佢仲係年輕人,今次已經將會成為人夫,可以話係對佢加深咗了解,都證明呢個組合之中,最唔成熟嘅就係Bosco!如果再開《紮職4》,Bosco一係就配合;一係繼續另類、標奇立異!」Bosco聞言即為自己呼冤:「你兩個早就『埋晒欄』,可唔可以為朋友着想一下?我一年365日,有360日都喺度開工,你哋真係要幫吓忙!」家樂直言有請教阿聰擺酒心得,但阿聰卻愛莫能助:「點俾心得佢呢?都10幾年,通貨膨脹,水位都已經好唔同,依家形式有好多選擇,可以下午cocktail party、夜晚擺酒,我只係同家樂講,到時記得要請我!」家樂笑道:「當然會,而且仲有Bosco,因為佢哋會有『人情』!」

 

陳家樂表明一定請Bosco(左二)及阿聰(左)飲自己餐喜酒。

 

陶大宇同鄭浩南(右)都有份演出。

 

星島新聞集團慶回歸25周年專題網站,請即瀏覽  

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

蕭芳芳丈夫張正甫離世享年82歲 曾執教鞭出高徒袁志偉趙應春

獨家丨Edan走出紅館騷意外陰霾 打籃球散心Fans求合照來者不拒

獨家丨陳葦璇自爆曾做傻瓜女友齋啞忍 簽約新公司望舉行個唱

60歲楊紫瓊喜事重重 獲聖巴巴拉影展成就獎

都市網新聞