保錡貼同陶大宇合照揭合作 當面跳唱《倒轉地球》再學掩眼笑動作

陶大宇憑翻唱《倒轉地球》再度爆紅，而ERROR成員吳保錡因模仿其唱腔，加上「水撥手」動作令網民笑爆嘴，保錡更貼出合照，讓觀眾大為期待二人合作。大宇日前被問到此事時大賣關子，保錡今日終在社交網貼出與大宇的合照，透露二人為谷德昭主持的新一集《爆谷一周》做嘉賓。

 

保錡多謝谷德昭（中）邀請上節目，可以陶大宇面前表現。

保錡跳唱《倒轉地球》，陶大宇睇得好投入。

 

在節目上，齊齊做出大宇的經典掩眼笑動作，保錡寫道：「有冇show我唔知，靜係知爆谷一周真心正，有得喺大宇哥面前表演一次。多謝谷德昭邀請我，希望大家睇得開心啦，因為真心覺得做乜都唔緊要，最重要活在當下，日日開開心心。」而預告片中見到保錡在大宇面前跳唱《倒》，獲稱讚好似對方後生時，做甚麼都不怕錯，氣氛十分歡樂。

 

二人擺出招牌動作，谷德昭在身後睇到笑。

 

星島新聞集團慶回歸25周年專題網站，請即瀏覽

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。