Tyson Yoshi為個唱操肌隨緣：操到就操 指女友只沉迷自己及愛貓

Tyson Yoshi昨晚（23日）身穿西裝現身品牌活動，並且上半身真空沒有恤衫，被問到騷肌是否為下月開鑼的《MY NEW WORLD ORDER》演唱會前派福利？他搞笑的自望胸前一眼後突然怕羞仔上身說：「唔係嘅…唔知呢…OK…套衫嘅質地好舒服、唔會被?損，因做運動、特別係兩個鐘以上嘅長跑，試過被衫褲?損胸部同腳位。至於演唱會係咪騷肌就視乎操練情況，心態係隨緣、操到就操；現階段開始操熟歌曲，最難嘅宣傳同票務都已處理完成。」有否欠飛債？Tyson Yoshi表示沒有，皆因為用實名制，朋友都要自己買飛入場支持。

 

演唱會上會否騷肌仍未決定。

 

門票以實名制出售。

 

一向出名大隻。

 

Tyson Yoshi出名疼錫女友，會否趁活動順道購買包包送女友？他即說：「又得，睇啱可以買呀，雖然之前先買咗條頸鍊送畀佢，因為我有條綠色，再買條紅色做情侶頸鍊。」是否用來箍實女友？Tyson Yoshi笑謂：「冇咁娘，係間中要送吓嘢，否則就大鑊，而佢都鍾意包包，但唔係太沉迷奢侈品，最沉迷係我同貓貓。」

 

直言不時送禮物給女友。

 

笑言女友只沉迷自己及貓貓。

 

星島新聞集團慶回歸25周年專題網站，請即瀏覽

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。