回歸25｜讚李家超「好叻」 馬時亨信專注發展經濟

候任行政長官李家超欠缺財金經驗，外界擔心他未能維繫香港國際金融中心的地位。前財庫局、商經局局長馬時亨認為，金融業是香港經濟最大支柱，特首即使不「熟書」，都必然會投放大量精力發展經濟，及組成能力很強的財金班子幫助，亦相信「將來有任何風浪，只要香港出聲，中央一定會幫手。 」

毋須擔心李缺財金經驗

馬時亨擔任問責官員及港鐵主席期間，都未曾與李家超直接共事，「試過同枱食飯，但唔熟。」但讚揚李家超是「好叻」的人，因為他過去處理過不少大案，至今仍在警隊內部津津樂道，包括二○○五年韓農衝突，「佢做得好好，一晚拉晒一千人平息騷亂，又將佢哋分散喺唔同警署落案，都反映佢嘅組織及辦事能力都好強。」

馬時亨認為，沒有人會熟悉所有事務，同時沒有人不注重金融發展，「尤其是特首，任何人做特首，都要注重金融，佢唔識自然會搵人幫手，組織一個好強嘅財金班子輔助佢，而且佢得到中央嘅支持同信任，所以毋須擔心佢財金弱。如果佢話唔緊張金融，我反而驚！但佢一定唔會。」

他期望，李家超政府能組織一個有能力及團結的班子，「做官唔係為個人榮辱，而係為香港出力。唔好只係當打份工，要有使命感。」他引用港澳辦主任夏寶龍的講話，冀官員能「會幹事、能幹事、幹成事」。

星島新聞集團慶回歸25周年專題網站，請即瀏覽

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。