頭條戲場丨《弊傢伙，JJ唔見咗》衰男人自救之旅

2017年，上田慎一郎執導，以300萬日圓（約21萬港元）低成本拍攝的電影《屍殺片場》，創下30億日圓（約2.1億港元）的海嘯級票房，由導演到茶水收分紅收到笑。新作《弊傢伙，JJ唔見咗》是導演一個諗咗10年的瘋狂故事，講一個衰男人瞓醒發現自己的性器官不見了，然後好驚，迫於無奈踏上「尋J」之旅。(剛上映) 撰文:廖思慧 
 

導演Keep住唔用大牌演員的習慣，請嚟演出舞台劇及獨立電影的實力派演員皆川暢二飾演千里尋J的主人翁。因為《屍殺片場》的成功，突然好受歡迎的導演迷失在掌聲之中，然後開始腦閉塞，因為呢段歷程才創作出《弊傢伙，JJ唔見咗》中迷失在成功中的主角。

 

男主角本是公司CEO，有權有勢仲有錢，睇佢個樣幾招積。

 

做壞事有報應
極受歡迎的網漫手機程式公司的CEO田上晃（皆川暢二 飾），本來有父母有妻兒又有好Partner，因為發咗達而忘本，最後變成一個壞咗嘅人。一夜風流後起身，發現身上少咗一個重要器官，睇醫生幫唔到，上網Search意外參加咗一個神秘詭異組織「奔州集會」，發現原來有好多苦主。CEO知道「JJ」脫離肉身6日即成廢物，即起行「尋根」，再於尋找過程中有所覺悟再搵返自己個初心，結局冇反轉，笑位一般，故事簡單輕鬆，Kill Time一流。

 

冇咗JJ可以點樣去小便?請看圖。

 

試說出兩人共通點?冇錯，就是失J人士。

 

CEO首先搵好憎佢嘅舊Partner幫手尋J，認住個網，出鏡率好高。

 

前妻見到CEO一臉愕然，睇得出兩人再見不是朋友。

 

阿媽見到CEO鬧完一輪先識笑，呢個正衰仔嚟嘅。

 

搵J唔容易，因為JJ飛得好快，仲可能捉錯J。

 

星島新聞集團慶回歸25周年專題網站，請即瀏覽

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。