头条戏场丨《弊家伙，JJ唔见咗》衰男人自救之旅

2017年，上田慎一郎执导，以300万日圆（约21万港元）低成本拍摄的电影《尸杀片场》，创下30亿日圆（约2.1亿港元）的海啸级票房，由导演到茶水收分红收到笑。新作《弊家伙，JJ唔见咗》是导演一个谂咗10年的疯狂故事，讲一个衰男人瞓醒发现自己的性器官不见了，然后好惊，迫于无奈踏上“寻J”之旅。(刚上映) 撰文:廖思慧 
 

导演Keep住唔用大牌演员的习惯，请嚟演出舞台剧及独立电影的实力派演员皆川畅二饰演千里寻J的主人翁。因为《尸杀片场》的成功，突然好受欢迎的导演迷失在掌声之中，然后开始脑闭塞，因为呢段历程才创作出《弊家伙，JJ唔见咗》中迷失在成功中的主角。

 

男主角本是公司CEO，有权有势仲有钱，睇佢个样几招积。

 

做坏事有报应
极受欢迎的网漫手机程式公司的CEO田上晃（皆川畅二 饰），本来有父母有妻儿又有好Partner，因为发咗达而忘本，最后变成一个坏咗嘅人。一夜风流后起身，发现身上少咗一个重要器官，睇医生帮唔到，上网Search意外参加咗一个神秘诡异组织“奔州集会”，发现原来有好多苦主。CEO知道“JJ”脱离肉身6日即成废物，即起行“寻根”，再于寻找过程中有所觉悟再揾返自己个初心，结局冇反转，笑位一般，故事简单轻松，Kill Time一流。

 

冇咗JJ可以点样去小便?请看图。

 

试说出两人共通点?冇错，就是失J人士。

 

CEO首先揾好憎佢嘅旧Partner帮手寻J，认住个网，出镜率好高。

 

前妻见到CEO一脸愕然，睇得出两人再见不是朋友。

 

阿妈见到CEO闹完一轮先识笑，呢个正衰仔嚟嘅。

 

揾J唔容易，因为JJ飞得好快，仲可能捉错J。

 

星岛新闻集团庆回归25周年专题网站，请即浏览

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。