Juicy叮｜視障男落樓梯慘遭扶手香口膠黏住 途人助解困批垃圾蟲缺德

有熱心市民昨日協助一名視障人士移除手上黏附住的香口膠，並批評時下的人缺乏公德心及衞生意識。

網民在「香港討論區」發文，指昨日早上去港鐵站時見到有位視障人士落樓梯, 除了用白杖之外亦扶住扶手慢慢落。正當網民思考了一下應否扶他落樓梯, 突然間見到他一隻手不太自然，好像有異物黏住隻手,見對方晃動該隻手，原來有人將一塊香口膠黏貼落扶手處。

網民形容對方「之後個先生痴咗（香口膠）係自己隻手上面, 睇佢個樣似係唔知係啲咩痴住隻手所以有啲啲驚。幸好唔算太多人可以幫佢慢慢處理嚿香口膠，我畀咗張濕紙巾同佢抹下手再畀埋淨低個幾張濕紙巾」。

有失明人士落樓梯時不小心被香口膠黏附住隻手。示意圖片

網民批評難以理解現在的人仍然不注重衞生, 現在人人戴住口罩按理不會在街上無緣無故脫下口罩再黏住香口膠或者吐香口膠落地。網民又指，「你真係想吐咗嚿香口膠又冇紙巾你都可以痴係自己個口罩上面, 點解要周圍痴呢? 就算唔係盲人因為要用扶手落樓梯而痴到, 咁都會有小朋友/企唔穩嘅人需要用扶手, 真係估唔到呢個年代仍然有人係咁唔衞生囉！」

有網民留言認為應該要仿效新加坡立法禁止銷售香口膠，也有網民稱「我都見過商場的扶手梯 樓梯膠帶上有鼻屎，上到酒樓一直唔自在」。

帖文轉載自「而家D人咁唔衞生...」

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。