李璨琛被爆長方正方不分

就是因為這份功課，令李璨琛被爆長方形同正方形都唔識分。

（星島日報報道）李璨琛（Sam）的女兒李元元（Lucy）最近復課，日前Lucy媽在社交網分享了老公教囡囡做中文功課的短片，大爆老公在英文及數學方面都是「嘔血」，就連正方形和長方形都搞不清。

Lucy媽寫道：「李老竇只能夠同個女做中文功課，喺英文方面，佢一定要由A至Z數落去，先能夠順利讀出26個英文字母，如果你由中間其中一個字母開始，問佢下一個字母係乜，佢真係未必答到你，或者會答錯；數學方面仲經典，因為有一日佢同個女做數學功課，個老竇指住個長方形問個老母：『呢個算唔算係正方形呢？』46歲人連長方形同正方形都唔識分，聞所未聞」。有網民笑指：「李夫人此言一出，李老竇想走出國際無望了」，但亦有人讚爸爸肯陪囡囡做功課已很好。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。