頭條獨家丨郭柏妍坦言有布遮住就ok 上位小花為拍劇性感冇底線

TVB劇集《雙生陌生人》中，飾演小律師嘅24歲前港姐季軍郭柏妍(Rosita)，Crop Top配熱褲扭動身體，隨住音樂拍子擘髀、趷籮加扭Pat Pat，狂野大跳鋼管舞相當好睇。上位「小花」Rosita坦言只要劇本適合，唔介意性感演出，仲話：「有啲布遮住就ok。」採訪：方騫平 攝影：沈健程 服裝：myaleshia

A0的Rosita只想專注拍劇，拍拖唔諗住。

Rosita跳鋼管舞表現好狂野。

Rosita在處女劇集《青春不要臉》中憑「陽光妹」清純形象獲讚，估唔到今次性感突破演出令人眼前一亮，尤其狂扭蛇腰，39吋長腿任睇，意態撩人好挑逗。原來Rosita第一次接觸鋼管舞：「雖然我本身有跳開舞，但鋼管舞用嘅臂力比較多，原來有一定難度，因為唔識用力都搞到周身瘀傷。」作為新人嘅Rosita零包袱：「我愈嚟愈鍾意做戲，只要角色啱，健康性感係冇問題。」她又表示冇性感底線，「有啲布遮住就ok。」

《雙生陌生人》中郭柏妍演出令人眼前一亮。

跳鋼管舞既性感又狂野。

Rosita憑《青春不要臉》中「陽光妹」清純形象獲讚。

螢幕初吻唔願畀何廣沛
對於被指係TVB上位小花，除咗較同屆港姐謝嘉怡等多機會外，更打低蘇皓兒演新劇《下流上車族》。Rosita謙稱：「其實公司都力捧緊好多藝人，我都多謝公司畀機會，而我跟同屆港姐會互相鼓勵；至於演《下流》係由公司安排，其他嘢唔太清楚。」問到蘇皓兒係咪最大勁敵？Rosita表示會欣賞每一個人，亦著重自己表現，希望有日好似馬德鐘一樣演技咁出神入化。Rosita仲話拍《雙生》時何廣沛好照顧她，又教她走位，獲益良多。問到未拍過咀戲嘅佢想唔想為何廣沛獻出螢幕初吻？她大笑說：「留畀下一套劇嘅男演員啦。」

28歲嘅蘇皓兒同Rosita路線好相似。

Rosita跟同屆港姐如謝嘉怡等好老友。

 

Rosita三圍32、22、33，身形不錯。

更多新冠疫情資訊，請到以下專頁瀏覽(按此)  

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。