Juicy叮｜乘客遺iPhone的哥送回收$500車馬費仍拒還 網民反應兩極

不少人都試過搭車遺下個人物品。有網民發文指，日前其家人乘的士不慎遺下iPhone 8手機，幸有乘客拾獲，經聯絡後，司機答應將手機送還，當司機到達後，其家人主動給予500元作為車馬費及酬勞，惟司機一手收錢，一手仍緊握手電話，最後，其家人再付100元給對方才拿回手機。事件引起網民熱議，網民反應兩極，有人認為的哥「似乎太貪心」，亦有網民認為，「比$600都ok，司機要搵食，無責任專登拎番個電話比客」、「人地吉車屯門送觀塘，幫補下都應該」。

該名網民「的士司機資訊網 Taxi」FB發文，指上周五（20日）晚上，其年輕家人乘的士前往觀塘時，不慎將iPhone 8手機遺留在車內，好彩有乘客執到，但當時的士正前往屯門，樓主說，「事後同司機溝通，佢願意車返去觀塘」，當司機到達後，樓主家人主動給予500元作為車馬費及酬勞，「一心諗住跟錶頭再畀多少少」，但司機收錢後「無咩表示，樓主說，「司機不發聲，一手揸住電話，一手接住張$500，並無意欲放手歸還手機」。

樓主稱，家人見狀隨即追問的哥，惟對方當時未有說話，僅一直用雙眼望住其家人。最終家人將銀包內最後一張100元給予司機，「佢先肯放手歸還(手機)」。樓主直言「屋企人年紀細唔識反應比你恰到」。

事件引起網民熱議，有人認為的哥「咪貪心」、「直頭係勒索」、「畀500應該嘅，再?埋多100有啲過分」、「攞住部電話唔肯畀返人嗰下好核突」。另亦有網民留言，指事主給予車馬費「好正常」、「司機係搵食，商業車，無責任專登持個電話比客，所以，客都要高級感謝」、「睇錶俾錢只係佢送嘢嘅酬勞，人哋咁好肯送返過嚟，俾多幾百當答謝都啱吖」；亦有人認為「正常嘅處理方法交畀差館，現代社會保障自己」。

資料來源：「的士司機資訊網 Taxi」FB

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。