頭條獨家丨黃庭鋒鬧湯洛雯係「魔鬼」 《OPM》首做男一為晒肌忍口

入行6年嘅黃庭鋒是TVB力捧小生，除於新劇《雙生陌生人》演的兩個年輕版馬德鐘外，於myTV SUPER上架劇集《OPM》中更首當男一。庭鋒坦言有機會就要瞓身搏到盡：「《OPM》係考牌作品，戲中有喊戲、笑戲、激動、內疚、甚至晒肌，面對好大挑戰。」他還踼爆湯洛雯係「魔鬼」，經常請食嘢誘惑他，真係少啲意志力都唔掂！ 採訪：方騫平 髮型：Chris Cheng 化妝：Daphy Cheung 服裝：Harrison Wong

《雙生》演年輕版「馬神」嘅黃庭鋒覺得馬德鐘好專業，演技出神入化。

黃庭鋒連續有兩套劇推出，好受公司重視。

黃庭鋒連續有兩套劇推出，《雙生陌生人》中既要跳海又被車撞，好彩都「益」佢，跟羅毓儀有Kiss戲。庭鋒講返跳海鏡頭都一額汗，但演出時以專業角度行先唔識驚：「因為着住西裝，跳落海濕咗水係有一定重量，而且現場有好多蠔殼，掙扎咗20分鐘，度好晒位先敢落水；至於被車撞到飛起嗰幕，不論企位及反應都要好準。」

黃庭鋒着西裝拍落水戲都幾吃力。

黃庭鋒放膽拍撞車戲。

《雙生》中黃庭鋒奪走羅毓儀螢幕初吻。

廢青變熱血青年

至於新劇《OPM》講述金融界狼人為金錢去到最盡，他由廢青變身熱血青年，更有情感爆發戲：「好彩對手湯洛雯係有力量演員；Ben Sir(歐陽偉豪)又搞笑，佢哋好快令我進入狀態。由於有場戲要晒肌，拍攝期間姚宏遠同我一齊互相鞭策做健身，不過，湯洛雯就變身『魔鬼』，一方面鼓勵我哋加油，另一廂又成日請食外賣，仲引誘我話『一嚿半嚿唔會影響六嚿(腹肌)嘅！有時真係抵受唔住食咗先講，不過做演員真係要好有定力，尤其男一更加要搏到盡。」黃庭鋒冇諗過「上位」問題，最緊要角色有發揮，拍完《OPM》學到唔少金融知識，暫時人生最大投資係買樓做咗業主。

湯洛雯跟黃庭鋒有感情戲。

黃庭鋒喺《OPM》展示六嚿腹肌。

黃庭鋒暫時人生最大投資係做咗業主。

更多新冠疫情資訊，請到以下專頁瀏覽(按此)  

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。