挨跌5萬蚊｜寶蓮禪寺笑言大佛一定挨唔跌 警察FB籲司機注意車頭裝飾

小童挨跌旺角kkplus的「天線得得B」公仔事件全城關注，不少社交專頁都趁機「抽水」，就連給人莊嚴印象的寶蓮禪寺FB專頁，也發帖加入討論。

寶蓮禪寺在帖文中，上載天壇大佛及長梯的最新維修外觀情況，並表示：「樓梯維修工程進行中，暫未對外開放，上唔到大佛，一定挨唔跌。寶蓮禪寺正常開放，大家努力抽乾水塘水。」

寶蓮禪寺FB帖文。

除此之外，警方亦發帖透過事件呼籲駕駛人士，要注意車頭裝飾：「熊Sir話你知，司機在車輛儀表板上不恰當地擺放裝飾品會遮擋駕駛視線，容易發生交通意外。一旦發生交通意外，裝飾品有機會飛脫並撞向司機面部，後果可想而知有幾咁危險，到時候就唔只損失金錢咁簡單！」

警方FB帖文。

另外漁護署專頁「B仔自然教室」也發文緊貼熱門話題，呼籲市民愛惜大自然：「春夏時份都係親親大自然嘅好時機，好似天使咁得得意嘅B仔又要出嚟提提大家，我哋都係大自然嘅一部分，去郊遊嘅時候記得都要愛惜生態環境，唔好野採呀！大自然生命無價，破壞咗係賠償唔到㗎！」

B仔自然教室FB帖文。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。