關心妍為下月紅館個唱最後綵排 老公擔任「衛生組組長」幫手消毒

入行經已20年的關心妍（Jade）將於6月4日及5日在紅館舉行《關心妍“約”20週年演唱會2022》，目前關心妍緊密進行綵排，Jade表示已準備就緒，但騷期迫近難免有啲緊張：「因為時間唔多，所以綵排都唔係好多次，唯有次次排歌都當開騷咁做，真係好刺激啊！而囡囡心心上台表演呢一Part終於有啲眉目，因為我搵朋友借咗啲瑜珈墊，咁就可以完成佢嘅夢想喺台上打筋斗。」

 

關心妍綵排時唱得好投入。

 

當正係開騷咁唱。

 

近日Fans不停網上留言估嘉賓，更提議不同的歌曲點唱，Jade就話難滿足大家：「嘉賓唔會太多嘅，總之有男有女啦，因為我個騷想自己唱。我估到時Fans會喺位度嗌出嚟點唱，但係我都會盡量睇時間，唔會畀個騷超時嘅，因為唔係有好多錢，唔好搞到主辦畀人罰錢啦 。」

 

關心妍好重視今次演出。

 

關心妍囡囡心心會喺台上表演打筋斗。

 

雖然疫情緩和，但關心妍仍不敢掉以輕心，用最高防疫規格作準備：「因為我哋要對觀眾負責，?家真係好驚自己病，所以都謝絕晒所有探班、打氣，而老公楊長智每日都會去我所到之處消毒、擺晒消毒機，佢係呢個騷嘅衛生組組長，有佢喺度我都好放心。」

 

老公擔任「衛生組組長」幫手消毒。

 

關心妍相當期待《關心妍“約”20週年演唱會2022》。

 

更多新冠疫情資訊，請到以下專頁瀏覽(按此)  

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。