张敬轩诚实食评有赞有弹 遮遮煲鸡脚汤似洗镬水
张敬轩近日忙于开红馆骚，日前更在台上大呻呢排工人姐姐（遮遮）日日都煲粥佢食，“我忍唔住同‘遮遮’讲，我系开演唱会，唔系照肠镜呀！”由于轩仔成日都于IG分享遮遮啲“创意料理”，仲搞到嘉宾之一的汤令山（Gareth.T）都送两本食谱畀轩仔，叫佢转交畀遮遮。
轩仔近日忙于开骚。
Gareth.T送咗两本食谱畀轩仔，叫佢转交畀遮遮。
遮遮成日煮好多“创意料理”，令轩仔哭笑不得。
唔知遮遮系咪真系有跟Gareth.T啲食谱煮嘢畀轩仔食，昨日（22日）轩仔于IG限时动态分享两𩠌一汤，都大赞两个𩠌有进步，“今日呢个蘑菇甘笋炆鸡，系整得OK嘅，香口嘅！”而上次轩仔话遮遮将芥兰头扮西兰花，今次亦有改善，买到真嘅西兰花，“今次啲西兰花系真，呢个虾都新鲜好食，有镬气，至于呢个汤呢……”冇错，遮遮今次都唔意外地，有失手！轩仔起初形容唔到碗鸡脚汤嘅味道，饮多一啖佢终于讲得出：“好似啲滚水摊冻咗，呀…唔系，应该话…好似炒完呢一碟𩠌（西兰花炒虾球）之后，个镬摆咗落锌盘度，沟咗水之后，𠮶啲好似洗镬水咁样。”而且啲鸡脚仲有少少粉红色，轩仔就质疑未熟晒！睇嚟下次大家送食谱畀遮遮，要买教煲汤𠮶啲嘞！
呢个两𩠌一汤卖相见得人。
蘑菇甘笋炆鸡，轩仔收货。
西兰花炒虾球，今次真系用西兰花，轩仔觉得感恩。
轩仔之前话遮遮用芥兰头扮西兰花。
呢个汤…轩仔都难以形容。
轩仔话好似洗镬水咁样。
仲话啲鸡脚有少少粉红色，轩仔质疑未熟晒！
更多最新疫情资讯，请到以下专页浏览 按此
订阅星岛网singtao.ca电邮快讯，每天可收到最快新闻资讯： https://www.singtao.ca/subscribe/singtao.php
>>>订阅CCUE YouTube 频道，查看更多吃喝玩乐、生活资讯影片。
【看星岛＊知天下】请立即下载“星岛新闻(加拿大版)”App：
iPhone：https://apple.co/2IBi812
Android：https://bit.ly/2Pe8anu
>>>订阅CCUE YouTube 频道，查看更多吃喝玩乐、生活资讯影片。
【看星岛＊知天下】请立即下载“星岛新闻(加拿大版)”App：
iPhone：https://apple.co/2IBi812
Android：https://bit.ly/2Pe8anu
×
