林泳淘揸车过城隧发生恐怖爆胎事件 连环有阻滞叹好黑仔

前“东张女神”林泳淘(Wingto)回复自由身后,除为香港开电视节目《疫境中的餐桌》担任嘉宾外,最近跟谭杏蓝(Hana)、陈雅丽(Allie)和李贤(Leanne)为AMM亚洲心动娱乐主持全新综艺节目《你想点呀》,节目由5月13日起逢周五晚9时播出。虽然默默有工开,但仍有啲阻滞,最近仲连环发生不幸事件。Wingto喺Instagram自爆早前驾车经城门隧道时,惊见座驾爆胎,而且爆到好恐怖,惊见条軚已经消失咗,最后搞到要拖车,更形容系是最近经历咗一段人生冇几何会发生嘅事。

最近跟谭杏蓝、陈雅丽和李贤主持AMM综艺节目《你想点呀》。

为香港开电视节目《疫境中的餐桌》担任嘉宾。

林泳淘回复自由身。

 

她写道:“早几日揸车经城门隧道的时候,一入隧道口已经听到座驾有怪声,到中段声响愈来愈大,好似就嚟要解体咁,而且已经有啲畀油都行唔到嘅感觉,所以我就一路打住死火灯一路行,后面架车都非常机警,立刻慢驶兼同我保持一段距离。”此刻她谂起最近有私家车着火,司机及时跳出车嘅新闻,即刻望向车头同车尾:“心里面一路自我安慰,矛(冇)事嘅,当初拣车,当初林生(老公林卓立)拣车见拎咗超多安全认证,我先买嘅(唔系广告),唔会爆嘅唔会爆嘅!好惊!但喺隧道又唔敢贸贸然停车睇咩事,好翻腾咁行到尾段,隔离线嘅货车同巴士司机经过,都开始叫我停车。”

 

车胎就嚟要解体咁。

 

最后她决定停车了解情况:“人哋都咁样提我,好啦咁我停啦!结果一停车就见到我条軚已经消失咗(Where are you going thai?)然后隧道公司超专业,极速就嚟到,极速就处理好问题,(佢哋真系好好人,十万个赞)然后我架车个边,又好快咁帮我拖车返厂做埋检查,最终无阻到人,架车咁爆軚又无失控,仲有咁多人提醒同帮忙,内心真系无限感恩!”

 

搞到要拖车,好彩人冇事。

 

她形容最近真系好黑仔:“今个月两架车,一架坏波箱要拎去㓥,一架爆軚兼发现之前畀人hit&run有内伤,仲要换晒4条軚(到期所以一次过),然后林生电话又突然坏咗,兼最后back up系201X年...真系一波未完一波又起,但系发生咁多事最终人无事,已经系最大嘅幸运!最后...希望今年快啲过,同埋...电话真系要定期Backup。”

 

老公个手机又坏埋。

林泳淘感恩仍然健健康康。

 

更多新冠疫情资讯,请到以下专页浏览(按此)

点击以下6大平台 接收加拿大新闻及生活资讯
加拿大星岛WhatsApp报料热线:(437)428-9394

下载“星岛新闻(加拿大版)”App,随时看到最新最快新闻:
iPhone:https://apple.co/2IBi812
Android:https://bit.ly/2Pe8anu

订阅加拿大星岛网电邮快讯,每天可收到最快新闻资讯电邮: https://www.singtao.ca/subscribe/singtao.php

>>>订阅CCUE YouTube 频道,查看更多吃喝玩乐、生活资讯影片。
share to wechat

延伸阅读

share to wechat

延伸阅读

赵式芝开箱赌王家族新酒店 同行女友人曾见家长 赵世曾终接受囡囡性取向?

高海宁久违晒完美曲线蛊惑角度凸显丰满身材 超贴身衫令网民心心眼

金像奖2024丨准影帝影后造型照曝光!大热余香凝展高䠷身材硬撼露腰钟雪莹

方力申开箱Tesla Cybertruck!女星一家疑成车主 吴彦祖倒米叫唔好买?

都市网新闻