Juicy叮|快餐店父子佔4人枱拒「搭枱」 女子坐下遭推跌餐盤惹議

不少餐廳每到繁忙時間就湧入大批人潮,故有時亦要有「搭枱」情況。一名女網民於社交平台訴說,日前於一間連鎖快餐店用餐時,欲與一對父子「搭枱」,惟對方卻先發制人,堅拒「搭枱」。女網民心有不甘企圖強行坐下,該名父親竟出手推開她的餐盤,食物更遭推跌地面,雙方爆發爭執,引來一名店員上前調停。

該名女網民於facebook專頁「生仔要考牌系列」發文指,近日到一間連鎖快餐店用餐時,「只想嗱嗱聲食啲嘢,準備去接仔放補習」。當時餐廳正值繁忙時間,最終樓主找到一張四人枱,「見到個爸爸同個仔坐一邊食嘢」,她遂上前向該名父親詢問,「請問你幾位」,沒料對方竟直截了當拒絕「搭枱」。

樓主聞言大感不滿,「以為自己去錯邊間酒店個lounge」,故繼續向對方表示,「無位呀!我都唔想搭枱!」,並將餐盤放於四人桌上,試圖坐下。此時該名父親竟出手,「推我(樓主)個餐盤,仲整跌咗杯可樂同薯蓉」,並責罵樓主,「乜你個人咁野蠻,都話唔搭枱!嗰度咪有位!你坐嗰度啦」!

資料圖片(示意圖;非涉事本人)

樓主續指,該名父親指向的地方,「半個場都俾啲外傭姐姐坐係度gathering(聚會),而其他枱全部都有人對角坐」,隨後他再推走樓主的餐盤,並要求她立即離開位置,樓主立即大叫「有無人幫下我呀?救命呀」,一名女店員聞言上前調停。

該名父親堅持現時疫情嚴重,「政府都唔希望我出嚟同人搭枱食嘢」,店員則解釋,政府已放寬至4人一枱,樓主亦忍不住反撃,「咁驚就買外賣返屋企食啦!」,對方隨即回應,「我鍾意出街食嘢係我嘅事,總之我就唔鍾意搭枱」。最終店員為父子找到另一張二人枱,事件終告一段落。

帖文引起網民熱論,有網民批評該名父親「出手就唔啱」、「其實同搭巴士一樣,個個都想隔離無人坐,但你無權唔俾人哋坐喺你隔離」;有人則認為做法可諒解,「疫情期間唔俾搭枱好正常,可以有禮貌咁講,再唔係叫職員幫手」、「對方未必驚你有病毒,佢哋都可以擔心自己高危惹到你。」;另外,有網民質疑,「點解職員搵到張2人枱,你(樓主)搵唔到?」。

資料來源:生仔要考牌系列

 

 

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

東涌火人傷貓死│逃生居民:走廊黑晒好大煙

酒駕男撞車後不顧而去  遭對方窮追一公里 雙方落車講數「開拖」

盧寵茂:紅十字會可與地區康健中心合作 助市民更好管理健康

東九LED花海正式開放  浪漫清雅成打卡景點 區議員料逾百萬人次到訪

都市網新聞