头条独家丨艾威疫下手松频借钱助友报恩 曾获赠百万医药费治前妻

年前,63岁嘅艾威为帮前妻医重病花光积蓄,仲欠债百万,好彩富贵朋友主动话唔使还。疫情下眼见唔少同行失业陷财困,艾威自爆合共借咗六位数字畀朋友舒困:“当如报答我嘅恩人囉。”采访:方骞平 场地:时光里程

艾威话自己天生样衰被迫做奸角,所以从来同奖项冇缘。

艾威内心十分善良。

艾威视早前播完嘅《家族荣耀》为代表作,对于等咗43年先有代表作?他笑住自嘲:“哈…梗系有嘢系自己做错,我谂样衰就冇得改,又唔肯去整容,而且成日做奸角,所谓相由心生,成日想去害人个样点会好呀?呢方面我同陈锦鸿都有同感,所以佢唔再做反派,我就冇得拣喇!”

艾威在《家族荣耀》中,揭发杨茜尧游艇偷情一幕演得七情上面。

2015年跟林文龙为HKTV拍过剧集《三面形医》。

当年他跟黄宗泽及邓丽欣等为TVB拍青春剧《家恋爱自由式》。

网骗呃人趁火打劫

艾威由演戏讲到做人,“虚荣心好普通,识朋友都钟意揾个有钱啦;亦有啲若无其事问人借钱,开完工就顺口话借两0旧下次畀返你;仲有啲满口仁义道德,转头就伤天害理…”他又自爆早前网购澳门双重虾子面被骗咗300几蚊,相当激气:“我命中注定俾人呃,我又为食,见到银码唔大,啱啱网购完红酒都OK,点知今次中咗招。”艾威力斥呢啲叫趁火打劫:“都举报唔到,我只可以话善恶到头终有报,?家大家唔系过紧好日子,劫富济贫就OK啫,有啲人订粮系因为出街唔方便,300几蚊对一啲人嚟讲可以顶几餐。”

艾威由演戏讲到做人。

发哥成为集邮目标,艾威都唔错过变身小粉丝。

要有走数心理准备

疫境下,艾威庆幸工作尚算OK,可以自资十万蚊出歌《甘草》兼拍MV,满足吓自己,同埋仲有能力借咗6位数字畀朋友。问到唔怕走数咩?他大笑说:“讲咗啲人会唔还㖞…但其实要有呢个心理准备,唔好对佢哋嘅承诺寄予厚望,咁样仍然会有朋友做。以前我问人借过钱都系咁谂,只不过我信誉好啲,除咗𠮶笔过百万医药费叫还晒钱,虽然我朋友主动话送畀我,但都系我欠人嘅,既然我‘手松’时有能力,咪将人哋帮我嘅能力,转移返喺人哋身上,当系还钱。”艾威表示有Mark返低条数,希望有生之年畀返恩人睇,希望佢知道冇帮错人。他又指借钱有学问,借过唔还唔会再借:“仲有啲人相识满天下,问我借系知我唔会讲出去,呢啲我都唔会借,我唔想因为佢要面子累我财困。”

虽然同当时太太Lisa孭咗百万医药费后,两公婆都系离婚收场,但再见亦是朋友。

当年艾威同太太收养伯恩山爱犬Sashimi,?家“两父子”相依为命。

艾威在内地登台好有市场,可惜疫情影响好耐冇登台。

疫情下,艾威带埋爱犬开工。

艾威喺老师及监制指导下录歌,呢个年纪仍然相当进取。

艾威好欣赏李小龙语录“尽其在我”,笑说疫情下会有好多嘢谂,盖棺时倒转写成“我在其尽”都用得着。

 更多新冠疫情资讯,请到以下专页浏览
(按此)  

点击以下6大平台 接收加拿大新闻及生活资讯
加拿大星岛WhatsApp报料热线:(437)428-9394

下载“星岛新闻(加拿大版)”App,随时看到最新最快新闻:
iPhone:https://apple.co/2IBi812
Android:https://bit.ly/2Pe8anu

订阅加拿大星岛网电邮快讯,每天可收到最快新闻资讯电邮: https://www.singtao.ca/subscribe/singtao.php

>>>订阅CCUE YouTube 频道,查看更多吃喝玩乐、生活资讯影片。
share to wechat

延伸阅读

share to wechat

延伸阅读

68岁周润发都系猫奴?晨早茶档拎专业影靓相劲亲民 无师自通多次办摄影展

英国BBC电视台啄住喜多川性侵案 受害人超难追讨赔偿更接死亡恐吓

Mayanne小喇叭丨麦美恩摸同志胸肌惊呼“大过我” 王贤志提议蒲Gay吧揾真爱?

我谈的那场恋爱丨58岁吴君如赞MC张天赋靓仔又亲切 囡囡陈是知下月18岁生日旅行庆祝

都市网新闻