頭條獨家丨艾威疫下手鬆頻借錢助友報恩 曾獲贈百萬醫藥費治前妻

年前,63歲嘅艾威為幫前妻醫重病花光積蓄,仲欠債百萬,好彩富貴朋友主動話唔使還。疫情下眼見唔少同行失業陷財困,艾威自爆合共借咗六位數字畀朋友舒困:「當如報答我嘅恩人囉。」採訪:方騫平 場地:時光里程

艾威話自己天生樣衰被迫做奸角,所以從來同獎項冇緣。

艾威內心十分善良。

艾威視早前播完嘅《家族榮耀》為代表作,對於等咗43年先有代表作?他笑住自嘲:「哈…梗係有嘢係自己做錯,我諗樣衰就冇得改,又唔肯去整容,而且成日做奸角,所謂相由心生,成日想去害人個樣點會好呀?呢方面我同陳錦鴻都有同感,所以佢唔再做反派,我就冇得揀喇!」

艾威在《家族榮耀》中,揭發楊茜堯遊艇偷情一幕演得七情上面。

2015年跟林文龍為HKTV拍過劇集《三面形醫》。

當年他跟黃宗澤及鄧麗欣等為TVB拍青春劇《家戀愛自由式》。

網騙呃人趁火打劫

艾威由演戲講到做人,「虛榮心好普通,識朋友都鍾意搵個有錢啦;亦有啲若無其事問人借錢,開完工就順口話借兩0舊下次畀返你;仲有啲滿口仁義道德,轉頭就傷天害理…」他又自爆早前網購澳門雙重蝦子麵被騙咗300幾蚊,相當激氣:「我命中注定俾人呃,我又為食,見到銀碼唔大,啱啱網購完紅酒都OK,點知今次中咗招。」艾威力斥呢啲叫趁火打劫:「都舉報唔到,我只可以話善惡到頭終有報,?家大家唔係過緊好日子,劫富濟貧就OK啫,有啲人訂糧係因為出街唔方便,300幾蚊對一啲人嚟講可以頂幾餐。」

艾威由演戲講到做人。

發哥成為集郵目標,艾威都唔錯過變身小粉絲。

要有走數心理準備

疫境下,艾威慶幸工作尚算OK,可以自資十萬蚊出歌《甘草》兼拍MV,滿足吓自己,同埋仲有能力借咗6位數字畀朋友。問到唔怕走數咩?他大笑說:「講咗啲人會唔還喎…但其實要有呢個心理準備,唔好對佢哋嘅承諾寄予厚望,咁樣仍然會有朋友做。以前我問人借過錢都係咁諗,只不過我信譽好啲,除咗嗰筆過百萬醫藥費叫還晒錢,雖然我朋友主動話送畀我,但都係我欠人嘅,既然我『手鬆』時有能力,咪將人哋幫我嘅能力,轉移返喺人哋身上,當係還錢。」艾威表示有Mark返低條數,希望有生之年畀返恩人睇,希望佢知道冇幫錯人。他又指借錢有學問,借過唔還唔會再借:「仲有啲人相識滿天下,問我借係知我唔會講出去,呢啲我都唔會借,我唔想因為佢要面子累我財困。」

雖然同當時太太Lisa孭咗百萬醫藥費後,兩公婆都係離婚收場,但再見亦是朋友。

當年艾威同太太收養伯恩山愛犬Sashimi,?家「兩父子」相依為命。

艾威在內地登台好有市場,可惜疫情影響好耐冇登台。

疫情下,艾威帶埋愛犬開工。

艾威喺老師及監製指導下錄歌,呢個年紀仍然相當進取。

艾威好欣賞李小龍語錄「盡其在我」,笑說疫情下會有好多嘢諗,蓋棺時倒轉寫成「我在其盡」都用得著。

 更多新冠疫情資訊,請到以下專頁瀏覽
(按此)  

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

曹永廉就被冒充取消器官捐贈作回應 為20歲大學生判囚8周感可惜

黎明詩逝世丨FB突更新帖文以一曲作道別 歌詞令人心酸:跟你愉快但太短

TVB小花陳嘉慧產後首露面未消水腫 母女同框又啜又吸母愛氾濫

伍家朗結婚一周年絕密婚禮片曝光 羽毛球一哥扮「百變小櫻」接新娘

都市網新聞