Juicy叮｜沙田驚現篋神 中年漢騎電動行李篋馬路飛馳險象環生

近年外型如皮篋、俗稱「篋神」的小型電動三輪車漸趨流行，今日網上流傳一段車cam短片，有男子於沙田街市對出的馬路，竟以電動行動篋代步，在馬路橫行，險象橫生。

有網民今午於facebook群組「香港突發事故報料區」上載一條廿多秒的車cam短片，現場為沙田街市對出的沙田正街，拍攝時間聲稱是今午4時45分。短片所見，一名身穿藍色外套的中年男子孭住斜孭袋，騎着一部行李篋緩緩在一架輕型貨車車尾駛出。當時馬路上停泊多架車，但男子未有理會，反而「掂行掂過」，猶如「大地任我行」。

有街坊看過照片後，更認出相中人，聲稱片中男子居於碩門邨，亦有風趣的網民笑問「隻篋邊到有得買，佢呢種身型都坐到，質量好好」、「個篋放唔放到嘢」、「好似未拎行車證喎」。