林盛斌由蝸居搬到九龍城豪宅 被陳敏之爆身家勁緊張

林盛斌（Bob）向來百足咁多爪，近日接受陳敏之的個人頻道節目《Chi Chat》訪問，分享自己由旺角蝸居搬到九龍塘豪宅的致富之道。

 

節目中問到「保守估計阿Bob身家有幾多」時，敏之透出驚人數字：「起碼10億啦。」不過，阿Bob就否認稱：「你覺得我會唔會話畀你知？梗係唔會啦！（10億）你都癡線，仲做呀？（點會唔做呀？）都做，絕對唔係，但我冇特別去計算。」

 

阿Bob談致富之道。

 

婚後15年，共搬過5次屋。

 

阿Bob的致富之道，離不開「買樓買樓買樓」，他透露2007年婚後搬過5次屋，由最初與太太斥資逾90萬元買入旺角女人街一個逾200平方呎的單位，其後搬至廣華街600呎的單位，再搬到900呎的單位，之後再搬到加多利山，最近又再搬屋升呢住九龍塘豪宅。據知，阿Bob儲到錢就會置業，現時手持數個物業，全部放租，難怪敏之和吳若希都曾經爭住做阿Bob親家。

 

除做藝人之外，阿Bob亦有投資其他生意，表示需要時間去經營，故無論賺蝕都會繼續，並有意將生意上市：「特別呢幾年，多咗留意到底點樣投資同入股去啲咩公司。」甚有生意頭腦。

 

阿Bob為小朋友有更多活動空間，間屋愈搬愈大。

 

小朋友有好多活動空間。

 

小朋友有獨立書房。

 

阿Bob最近又搬新屋。

 

新屋都有好靚嘅書櫃。

 

更多新冠疫情資訊，請到以下專頁瀏覽（按此）

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。