薛家燕孖林淑敏許家傑拍賀年MV 重遊五十年前打卡點憶當年

陶大宇翻唱劉德華的《倒轉地球》，以獨特唱腔及水撥手勢，人氣一時無兩。近日TVB將《倒轉地球》搵人重新填詞成為賀年歌《今年好笑口》，並由薛家燕率領眾藝人，包括林淑敏、許家傑、鄭世豪、譚嘉儀、鄭俊弘、滕麗名、呂慧儀、謝東閔、伍富橋、谷婭溦、林穎彤、戴祖儀、施匡翹、蘇韻姿及陳浚霆等合唱。

 

家燕姐寄望新一年演藝界可以多些演出。

家燕姐話第一次與眾人合作幾合拍，幾個鐘頭就拍晒。

 

日前家燕姐孖《愛．回家》的「大小姐」林淑敏、許家傑及鄭世豪到沙田拍MV，由麥秋成為歌曲排舞，家燕姐說：「我哋唱呢首歌因為個節奏好輕快、開心，歌詞全部都係講恭賀新禧，疫情之下都希望大家開開心心。今次拍MV有十幾個藝人參與，同我一組係《愛．回家》嘅大小姐、許家傑同鄭世豪，第一次合作大家幾合拍，幾個鐘頭就拍晒。」重返舊地拍MV，家燕姐有重拾多年前回憶的感覺：「五十年前我已經喺呢度拍電影，見到佢哋啲牆貼住我當時拍電影啲相，嗰時十幾歲，同曾江、胡楓喺呢度拍咗唔少青春電影、歌舞片，嗰時都好多人去食嘢同影相，當一個影星嘅追蹤點。」

 

家燕姐重遊50年拍攝青春片的聖地，見到自己的舊照勾起不少回憶。

家燕姐指歌曲節奏輕快又開心。

 

大小姐願望成真與家燕姐同台唱歌，她說：「希望疫情快啲過去，大家可以一齊再熱熱鬧鬧、開開心心。」提到願望，許家傑說：「最緊要係身體健康！希望可以同家燕姐一齊跳十字步，哈哈！」家燕姐說：「希望我哋演藝界多啲騷，哈哈！雖然大家去唔到街，我哋可以喺屋企睇電視，睇到我哋嘅MV。」

 

林淑敏及許家傑又一齊開工喇！

 

立即下載 | 全新《星島頭條》APP : https://bit.ly/3yLrgYZ

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。