彭秀慧澄清同AL冇合作 仲做緊《阿媽有咗第二個》後期

彭秀慧導演近期因為同姜濤、Jer（柳應廷）合作新戲，又去睇MIRROR開騷，更不時在IG與MIRROR各成員互動，令唔少鏡粉都希望她與MIRROR有更多合作。日前Anson Lo（盧瀚霆）在IG自爆已經開始為新電影拍攝，要轉新髮型，更引來他的戲劇老師彭秀慧留言打氣，加上日前她在IG限時動態分享AL坐過嘅櫈又主動Tag AL，令到對教主新作一無所知的神徒紛紛估彭導新作可能是與AL合作。

打吓氣都引聯想呀！就知神徒幾期待教主新作啦！

 

彭導不時同MIRROR成員於網上互動。

 

不過各位神徒冷靜啲！AL拍緊咩新戲就仲未知，不過彭導似乎都唔想大家估得咁辛苦，擔心大家由期望變失望，昨日（27日）於IG限時動態澄清她暫時未有新作：「我全情投入阿媽（《阿媽有咗第二個》）後期工作中，並無拍攝任何新戲。」仲話澄清事小，影響他人事大呀！咁大家下次見到彭導出Po就唔好估太多嘞！神徒想知AL新動向，就等AL自己公佈啦！

 

彭導未有新作、彭導未有新作、彭導未有新作！重要事情講3次！

 

同AL未有合作住。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。