Juicy叮｜一家三口連外傭欲以9千元徵港島南租盤 港媽提5大要求被批離地

一分錢一分貨。有港媽日前發文誠徵租盤，指希望在港島南區尋找適合一家三口連外傭居住的單位，並提出5大要求，包括月租預算在9,000元之內，被網民批評離地！

該名女網民在社交媒體Facebook群組「自己物業自己放，租買免佣」發文，指自己的月租預算是9,000元，一家三口連外傭共4人居住；由於她用了一個女士與兩個小孩的表情符號，有網民推測樓主是育有兩孩的單親媽媽。

樓主提出，租盤地點須位於港島南區，希望「2房1廳、包傢俬、大廈有?、有保安、靚裝（修）、可煮食」。她又自稱是好租客，承諾準時交租及不吸煙，亦可提供穩定收入證明，期望有符合以上條件的業主聯絡她提供更多資料。

惟帖文一出，即引起網民熱議，不少人批評樓主的要求離地，「送畀你住好冇」、「發夢好啲」、「離地，樓主係咪啱啱出嚟香港呢個新地方」、「不如炒咗個工人姐姐，每個月用$14,000租仲好啦」、「$9000連套房都租唔到」。

樓主似知道要求不切實際，疑改用另一帳戶在同一群組發文，並將地點由港島改為天水圍，但預算仍是9,000元內，標明「想搵6,000-9,000租盤」。有網民建議她再降低要求改找村屋，不過她回應指「不要村屋太僻，現在就住村屋好不放（方）便，日日出入不放（方）便，有小朋友......要（有）車就容易......」另外，亦有網民看完帖文後揶揄，「噚日先問完9,000有冇2房港島區，仲要係南區！今日就轉咗天水圍，咁快嘅」、「改名出Post（帖文），一睇就知又係你啦，9K想租港島嗰位」。

資料來源：「自己物業自己放，租買免佣」FB

立即下載 | 全新《星島頭條》APP : https://bit.ly/3yLrgYZ

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。