頭條獨家丨凌文龍學生身上得着多 成立工作坊開班教戲

凌文龍首次擔正ViuTV劇集《IT狗》,他形容劇中演的「阿信」好蠢,但對自己信念的執着,跟自己頗相似。對於被劇中拍檔指他「煩」,小龍認為是讚美的意思,更覺得大家夠投入才會有此觀感。去年底成立工作坊開班教戲劇的小龍,認為可以做到教學相長,希望未來日子兼顧幕前之餘,可以繼續開班。採訪:杜杜 攝影:沈健程 服裝:HARRISON WONG

小龍自認跟岑珈其都是最煩對手,搞笑叻忍笑差。

全劇演員都認真投入,小龍最開心遇到這類對手。

小龍劇中演IT人,但原來他家中竟然冇電腦,「最初我同導演講嘅時候佢係『吓』咗聲,對於我嚟講一部手機要搵嘅資料搵到晒,電腦喺我入APA(演藝學院)時已經冇用,我諗都有10幾年。」講到被其他拍檔嫌「煩」,小龍不怒反笑,「我哋個煩係一個讚美嚟,呢班人每一個都好認真去做,亦都好認真去玩,我哋嗰種煩係『點呀你,玩完未呀,夠啦』有趣嘅係我哋唔係亂咁嚟亂咁玩,我哋笑係諗唔到對方會用一個咁嘅演繹,又好啱嗰件事,我哋煩係點樣去接。」

小龍大讚Lokman不愧為MIRROR隊長,拍前準備十足。

小龍早前拍ViuTV《唔試唔知份工好》,體驗其他行業。

望長教長有

劇中講小龍為創業打拼,現實中他亦有新搞作去年底開設「鈴和工作坊」教戲劇,因他年前要求演藝時恩師陳淑儀讓他出任助教,令他更感受到傳承的重要性,「當我再坐喺度睇老師教時,突然發覺老師對我咁大影響,佢真係會影響我以後點樣去睇戲劇呢樣嘢,佢呢個種樹嘅過程,我覺得好有意義。」於是他就想將自己經驗跟人分享,去年底已開過一次班的小龍,認為得着比想像中更多,「過程裏面其實我從佢哋(學生)身上學到好多嘢,因為有好多嘢你未見過,或者佢哋做咗啲嘢提醒我,遺忘咗或者有啲嘢我做熟咗忘記咗有呢個步驟,同埋佢哋有時做嘅嘢係超出我預期,我又覺得好好睇,咪學到嘢囉!」踏入新一年,小龍自言未來工作安排想貪心點,「每年做到一個舞台劇,有三分二時間做電影電視,其餘時間如果開到兩至三次班,咁就最理想。」

去年底,小龍第一次開班,他坦言收穫比想像中多。

熱愛舞台劇的小龍想每年有機會演,去年跟吳肇軒合演《日新》。

立即下載 | 全新《星島頭條》APP :https://bit.ly/3yLrgYZ

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

蔡卓妍返母校玫瑰崗最後開放日 拎巨型計數機搶Fo 張景淳拍片爆童年曳事

聲夢1+2丨林沚羿爆「妙音龍子」冼靖峰有偶包 為著泳衣拍節目忍口兩日

62歲劉德華近照老態龍鍾?滿頭白髮兼凸腩飄滄桑感 網民:太拼了

76歲秦煌跌倒後最新狀況曝光!林偉揭聲線精神 日內將轉介院至康服中心

都市網新聞