黃翠如與鄭紹康午飯繼續着鬆身衫 傳有咗頸纏絲巾避免受風寒

黃翠如去年9月播完劇集《七公主》疑似受情緒困擾，一度關閉社交平台留言，又減少幕前曝光。直至10月北上匯合老公蕭正楠後，有老公從旁支持心情已回復開朗，更不時於社交平台貼出兩公婆恩愛合照放閃，留喺內地3個月，近日才回港。黃翠如返來後立即約見好姊妹，昨日唐詩詠重Post日前兩人約會時互相擁抱相，寫住：「好朋友就是不能讓你一個人做傻事，必須兩人一起傻。」相中見叉足電的黃翠如精神飽滿，大擺甫士，笑容滿面，不過網民聚焦喺翠如身穿鬆身短裙上，而翠如明顯係比9月暴瘦時發福，被網民懷疑她成功造人，留言問她：「係咪有咗？」

 

唐詩詠跟黃翠如係好姊妹。

 

翠如係咪有咗，相信詩詠最清楚。

 

相中幸福翠如肥咗 。

 

呢張相喺日前翠如貼出來的。

 

另外，公關鄭紹康（Francis）今日亦Post出跟黃翠如及陳自瑤的午飯相，並切餅補祝陳自瑤在台慶中奪「女配」，他留言表示最喜歡跟漂亮甜美的黃翠如及陳自瑤共進午餐。圖中見素顏黃翠如精神奕奕，頸纏絲巾減低風寒，雖然相中只見翠如上半身，但依然係着鬆身外套，而且對甜品特別感興趣。

 

翠如同Francis午飯，但依然係着鬆身外套。

 

翠如同Francis午飯，頸纏絲巾。

 

鄭紹康跟陳自瑤補祝奪「女配」。

 

3人玩得好開心。

立即下載 | 全新《星島頭條》APP : https://bit.ly/3yLrgYZ

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。