譚嘉儀初入行搞歌迷聚會要問家人借錢 自認轉唱快歌欠缺信心

譚嘉儀日前接受TVB娛樂新聞台節目《StarTalk》主播許文軒的訪問，談到最近一改歌路推出跳舞歌曲《Eyes On Me》，譚嘉儀直言沒有跳舞底子，她說：「我只係喺出面學過幾堂，為咗呢首歌日日返屋企練習，鋪張瑜伽蓆對住塊鏡去跳舞，每晚兩個鐘頭，先至慢慢改善，執返自己啲動作。」談到錄音過程，譚嘉儀更承認起初有點吃力：「平時唱慢歌多，第一日錄音覺得自己好似唱兒歌咁！」幸好經監製指導後大有改善。

 

最近轉歌路，又唱又跳。

 

除了跟許文軒談轉歌路，亦有回顧入行10年的辛酸史。

 

由比賽到現在，踏入第10個年頭，譚嘉儀特別謝謝家人的支持：「家人嘅支持係最大動力，佢哋係同我同行，佢哋知我好鍾意唱歌，完全冇俾壓力我。自己唔係大富大貴人家，初初入行月薪大約得四位數字，起初訂場地同搞fans聚會，都係屋企人資助我，佢哋真係精神上、金錢上同行動上都好支持我！」由於疫情，首個音樂會延期，譚嘉儀說：「要延期總有啲失望，但希望疫情快啲過，正面啲諗，依家變相多咗時間去準備，希望遲啲再搞嘅時候，會有更精彩嘅演出俾大家！」

由乖乖女變成壞女孩......指形象咋。

 

近年不時在社交網貼出性感照，大個女啦。

 

立即下載 | 全新《星島頭條》APP : https://bit.ly/3yLrgYZ   

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。