薛家燕買五代同堂 麥玲玲教擺位助添孫

薛家燕早前與麥玲玲及兩位主持周志康、宋宛穎到花墟拍攝《新春開運王》外景，因為家燕姐去年獲麥玲玲贈送了富貴竹後，整年都好旺兼順利、平安，所以今年家燕姐順道買一打富貴竹看門口，由玲玲師傅帶她去幫襯開的花店，揀選又長又翠綠的富貴竹，仲教大家揀富貴竹小貼士，說：「揀富貴竹最緊要睇有冇根，有根先靚，擺成年都可以。」

麥玲玲帶家燕姐買年花。 ​

由於玲玲師傅好客氣，再次給家燕姐送富貴竹，家燕組亦禮尚往來：「我就送咗盆蘭花畀佢，點知臨走時，花店個老闆又送咗一盆蘭花畀我，一盆畀玲玲師傅。」

家燕姐送返盆蘭花給麥玲玲。

家燕姐除了買富貴竹外，亦買了一大串五代同堂，玲玲師傅亦提醒家燕姐：「五代同堂要擺放高處，可以放喺門邊附近，Mani嗰時買咗，抬一支返屋企就添咗丁……我每次同家燕姐拍嘢都好開心，佢帶咗好多歡樂畀我哋。」家燕姐亦大讚玲玲師傅除了玄學外，食方面都有好多好介紹。

每次同家燕姐拍嘢都好開心。 ​

立即下載 | 全新《星島頭條》APP : https://bit.ly/3yLrgYZ

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。