頭條獨家丨COLLAR任講拍拖 團員遲到要罰 Marf芯駖Winka Candy大爆私密事

由《全民造星IV8位參賽者組成的女團COLLAR,出道即爆紅,連天王黎明都睇直播,ig4個鐘已吸13.6萬關注,更有粉絲成立「前夫反擊戰」群組力撐,不過人紅自然是非多,同時亦惹起不少是非。COLLAR接受《頭條》訪問,除了回應種種爭議,仲講團隊禁忌同團規。而成員Marf會大談感情事;芯駖回應被插年紀大;Winka就公開複雜家庭背景;還有Candy自爆簽約後曾被花姐勸退。採訪杜 攝影:沈健程、張詠森 髮型:HeitaiKenji ChanVic LaiKristy WailingTaurus Lee
化妝:San ChanKineks HoCathy ZhangJanice Wong 服裝Majeparis(Gao)Celine(Candy)Chloe(Sumling)MarcjacobsMiumiuLouboutinworld(Marf)SandroparisMajeparis(Ivy)BerlutiHmLouboutinworld(Soching)HmMoncler(Winka)MiumiuLouboutinworld(Day)

COLLAR團員為了保持身材,雖然食嘢唔會罰,但會互相提醒。

出道活動被插是「時裝災難」,幸好有天王黎明撐睇直播。

對於甫出道有好成績,隊長Gao話:「首先要多謝支持我哋嘅人,對於我哋嚟講好驚喜,冇諗過咁多人支持。」COLLAR受關注同時亦惹是非, 首現身造型被踩「時裝災難」,又話LOGO、海報設計、出道歌《Call My NameMV都有抄襲成份,Candy就澄清,「LOGO、影相甫士都有好多幕後團隊幫我哋設計,係佢哋心血同心思,希望大家唔好誤會佢哋係抄襲,辜負咗佢哋努力。」芯駖亦否認抄歌,「主流興呢種音樂,可能速度同埋唱法好類似,又未去到一模一樣。」

COLLAR概念照被指抄襲韓國男團NCT。

Gao話隊友好自律,做隊長未覺大壓力。

Marf暫忘兒女私情

團員犯錯會否有罰則?Gao透露暫時遲到有罰,「有個玩法就係遲到,第二日Call最早,呢個方法係由我哋偉大嘅阿Wing(經理人)諗嘅。」至於遲到擔當,Marf自動招認,「爛瞓成日都賴牀,可能鬧鐘要搵個傳統啲,手機已經救唔到我,但打電話會醒。」Winka即自告奪勇,「不如我做你鬧鐘。」她們又大讚公司開明,拍拖也不會是禁忌,WinkaSo Ching舉晒手自認拍緊拖。不過早前被網友爆跟廣告模特兒盧思睿(Bryan)拍拖的Marf ,就強調目前事業為重,「自己係個着重情義嘅人,所以好多嘢會睇定啲先會去做下一步,?家將重心擺晒喺團隊度,同埋我哋?家根本連約朋友,同屋企見面時間都冇,所以戀情或者其他私事,暫時冇乜點處理住。」

Marf話目前冇時間拍拖,以事業為重。

Marf早前被網友爆跟廣告模特兒盧思睿(Bryan)拍拖。

芯駖以35歲之齡入女團,惹起好多爭議,但她心情未受影響,「呢個問題一路都唔擔心,《造星IV》開始大家都知我年紀,好多粉絲DM我『你呢個年紀能夠去追夢,或者踏出嚟唔驚人哋指指點點,做自己鍾意嘅嘢,都激發佢哋放低固有嘅嘢去嘗試』。驚喜香港觀眾都走得幾前,接受能力都好高,同埋公司同阿Wing都好勇敢簽咗我,我唔覺得年齡係問題,尤其現今科技非常發達,大家保養好有心得,同埋我同佢哋相處完全冇介蒂。」19歲的Day亦承認同芯駖冇代溝,「佢性格比真實年齡低,佢性格好有反差。」

芯駖承認好甩碌,經常唔見手機。

Day笑指並非隊中「瞓覺擔當」,因大家都鍾意瞓覺。

Winka媽媽患精神病

Winka參加《造星IV》前已出道,當時接受新城財經台《原味生活館》訪問,講到成長在單親家庭,中五時媽媽因精神病入院,要獨力照顧細佬去糖水舖打工,之後仲要停學。她承認媽媽未康復,幸好18歲細佬好生性,「媽咪仲係嚴重,好希望有日佢會回復返以前咁,但無論媽咪變成點,我深信佢係支持我,細佬都好聽話,我比賽期間自己事都自己解決,屋企事比較少拎出嚟講,因唔係咩開心事,但係屋企同背景點變都好,唔限制我去做任何事,我想透過自己經歷去鼓勵有同樣經歷、家庭背景想追夢嘅人。」她更公開已跟男友同居,「唔需要隱瞞,當然我唔會喺街度咁公然啦!」她最開心細佬變了頭號fans,「佢最近竟然將IU張相轉咗做我張相,放喺銀包,我好開心呀!呢個好微細動作令到我好warmI love you細佬!」

Winka大方公開家庭背景,以及媽咪病況。

團隊冇規定唔准拍拖,So Ching大方公開有男友。

IvyCandy一直被指唱跳實力不夠,兩人都承認有待改進。Candy更自爆簽約後曾被花姐勸退,「簽完約我哋一齊聽咗新歌,當時我哋食緊點心,花姐都係度,佢就話『Candy你仲食得落,我係你就即刻毁約』(又用激將法?)係呀!我又好似當初咁答佢『你又知我唔得』。其實聽歌我係有啲淆底,但花姐講呢句後又激起我鬥心,壓力又冇,唔識咪搵隊友幫手。」

Candy回應「前夫」因她而與「前妻」開火,「打情罵俏係夠恩愛先有。我哋有好多女fans支持,唔係『前妻』公敵。」

Ivy承認跳唱實力有待改善,會搵團員幫忙惡補。

立即下載 | 全新《星島頭條》APP :https://bit.ly/3yLrgYZ

 

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

Art Central丨群星撐樂易玲兩子參展!湯洛雯顧紀筠鬥晒Hermès 張艾嘉九旬母坐輪椅支持外孫

英國BBC電視台啄住喜多川性侵案 受害人超難追討賠償更接死亡恐嚇

衛詩雅曾遭對手伸脷 廖子妤唔怕演大膽戲

29歲TVB小花谷胸展現逼迫感 黃建東超震驚:做乜夾到變郭珮文?

都市網新聞