君如為Edan慶生 叫帶埋Anson Lo拜年

君如在車上為Edan慶生。

（星島日報報道）MIRROR成員呂爵安（Edan）首登大銀幕，與吳君如、鄭中基、梁詠琪等合演賀歲片《闔家辣》，原本電影昨日舉行首映禮，但因為疫情影響，電影需要延期到年初四才上映。不過君如昨日就為Edan慶祝25歲生日，更在社交網開直播，他們集氣《闔家辣》可順利年初四上映。

昨日，吳君如就與Edan進行突擊任務，二人於九龍區四出簽海報，君如更於社交網開live，直播中，她先為後日生日的Edan送上一個朱古力蛋糕，更表示要咀嘴先，二人嘟起嘴扮錫錫，Edan講出願望表示：「集氣《闔家辣》年初四可以同大家見面，希望唔好再推遲。」其後再表示電影可以大賣及開續集。

首次登大銀幕，Edan被君如問到有冇信心，他坦言：「我都幾緊張，唔知自己做得好唔好，咁大個銀幕第一次見到自己出現，如果做得唔好咪好明顯，不過幸好君如都幫我打咗好多支強心針！」君如則大讚Edan做得好，並表示：「放心，做得唔好唔會放你上大銀幕，打爛我嘅金漆招牌嘅。」

至於君如就稱近排壓力大，爆了很多壓力瘡，因為對這部電戲都有期望，更叫Edan得閒和她打牌減壓。最後，Edan 被君如問到有冇女朋友，Edan則表示：「梗係冇啦，專心工作，同埋𠵱家太忙都冇時間拍拖。」問到會否帶人到君如家拜年？君如笑言︰「帶女Fans跟住就帶埋Anson Lo，叫埋Anson Lo嚟啦，大家嘻嘻哈哈啦！」

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。