容祖兒返港全家出動接機 拖住姪女背影勁溫馨

容祖兒（Joey）近年主攻內地市場，昨日（18日）她於社交網上載搭飛機的自拍照，並寫道：「媽咪唔該今晚等埋我食飯」，透露終於可以回港與家人團聚過新年。

休息一晚後，Joey 今日再在社交網貼出獲家人接機的照片，相中見Joey 冧爆拖住兩歲姪女Sophia，雖然只是背影，但亦感受到相當溫馨，並寫下離港7個月的感受：「我返嚟啦！真係好開心呀，努力工作七個月，可以趕喺過年前和屋企人團聚，見見朋友，一切來得別有意義。首先，感謝各位auntie uncle接機，但係我最surprise係有隻小豆丁攞住紥花等我同埋同我講welcome back姑。」

容祖兒返港獲家人接機，見到2歲姪女特別開心。

仲有媽咪煮嘅愛心午餐。

 

Joey又笑指姪女大得很快，更懂得與她爭寵：「小朋友真係大得好快，上一次返嚟仲係只係啱啱學識行路，今次返嚟已經同我爭寵。媽咪摸吓我把頭髮都唔得，係我媽咪呀！佢話嫲嫲係佢㗎！佢話我而家只可以摸豆豆同豆豆做朋友，巧打意呀！小朋友的世界其實好簡單，需要極大量的愛同安全感。放心BB，你永遠是我們的1 and only，但希望你長大之後會懂得愛人和分享愛，我要盡量喺呢段時間同佢好好建立感情。 #姑姑愛你」。祖兒更在IG限時動態上載媽媽親手煮的午餐，返到屋企真係好！

姪女之前喺電視見到姑姑，個樣好興奮。

祖兒在內地逗留7個月，終於返香港與家人一齊過新年。

立即下載 | 全新《星島頭條》APP : https://bit.ly/3yLrgYZ 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。