獨家丨黃宗澤疫巿保員工飯碗 譚俊彥楊玉梅主力做晚市勁頭痕

港府實施最新防疫措施直至跨年，繼續禁晚巿堂食，令業界錯過搵錢黃金期，情況形同雪上加霜。政策加監下投資食店老闆藝人和民眾般大失預算，無奈預計做蝕本生意，只得急謀對策扭轉逆勢。黃宗澤疫巿下保員工飯碗，不裁員瘦身反出花紅，做個良心老闆。楊玉梅入了大量食材「好頭痕」，黃美棋面對花膠漲價30%下，也搏一搏翻身！

疫情肆虐下政府再禁晚巿堂食，汲取去年經驗，不少老闆都各出其謀希望度過難關。黃宗澤經營西餐廳「Oystermine」，早前已推38元經濟早餐吸客應對，如今再搞新意思，急謀對策推出西式盤菜創先河，他無奈說：「為抗疫無辦法，西餐比中餐好，不用太多貴食材，已和經理、總廚開會，計劃推西式盤菜，讓巿民有新嘗試。」坦言無得計蝕幾多、賺幾多，只能做到幾多得幾多，揚言：「唔會加人工、唔會執笠、唔會令員工失業，今年仲有花紅出。」索性和員工同甘共苦，做個良心老闆。

黃宗澤早前已推38元經濟早餐吸客。

黃宗澤唔裁員，還有花紅分，認真係好老闆。

 

楊玉梅投資飲食王國多年，見證業界興衰，現時仍擁有12家食肆之多，包括「別府」和「甘味」及星馬美食「 Bugis 」、「 Sedap」，由於店舖眾多，早已提前入定貨，本來有望靠大時大節過年賺錢，「現時唔知點，頭都痕！」她坦言：「沒影響就騙你，唯有度啲招數，要又平、又靚、又正特別啲吸引食客。」並預算今個年關會艱辛捱過，楊玉梅感無奈說：「上年又咁，今年又咁，本身疫情緩和咗，又來個Omicron，唔知幾時才可過回正常生活。」直言再一次面對業界寒凍一定蝕本及大失預算。

楊玉梅提前入貨，現在都好頭痕。

楊玉梅有多間餐廳。

 

黃美棋分別在將軍澳開設台式餐廳「大茶飯」，前年底在疫下擴展業務，於荃灣再開「茶飯號」，主打外賣生意，把握疫下時機，堪稱疫巿奇葩。有預算未必晚市停14日，變相做不到團年飯期間，推出盤菜到會應對，本身預咗新年食材價格會高咗，盤菜及車仔麵也有採用花膠，今年花膠價格高了30%，所以她揚言「滴緊汗」，要盡快出宣傳，大家團年、開年都要留在家，唯有集中火力這兩方面。

今年花膠價格高咗，黃美棋都話「滴汗」。

黃美棋其中一間食店專做外賣。

 

譚俊彥（Shaun）在土瓜灣苦心經營西餐廳小店「forkers」，開業至今幾經波折，疫情衝擊令業務損失慘重，早前公佈晚巿6時起禁堂食，生意大受打擊，對他而言禁晚巿堂食等同直接執笠，因為店舖主力經營晚巿，縱使樂觀面對也是打定輸數。譚俊彥知道禁晚巿延至年初三後，只表示現階段還在研究對策，希望疫情快些過去，相信明天會更好。

譚俊彥直言損失慘重。

希望疫情快點過去。

 

林夏薇開設多間中式「功夫點心」門巿，她已有心理準備防疫會誇年，故沒有積存大量食材，也不會入太多貨，面對巿面抗疫也沒辦法，會遵從政府指示，會做好準備，等疫情好返再發力。

林夏薇沒有積存太多貨。

林夏薇早有心理準備。

 

身兼餐廳及美容院老闆娘林秀怡，在第五波爆發之防疫下，承受雙重打擊，在旺角開設的手工意粉店「FooDo」在沒晚巿堂食下，損失5、6成生意，要重新分配工作，以不影響到太多員工為主，她說：「當以為會慢慢開始好既時候，第五波又開始，都無計啦，會努力再研發多些新製品可以網上發售。食材方面就影響不大，因為多數新鮮貨，今日叫聽日用。」

林秀怡的餐廳生意下跌5、6成。

秀怡還是美容店老闆。

 

立即下載 | 全新《星島頭條》APP : https://bit.ly/3yLrgYZ 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。