江華落力帶貨賣珠寶 直播5個鐘成交不足100單

江華息影多年曾經轉行做保險，近年啪住老婆麥潔文開班教唱歌賺搵食，間中仲會登吓台唱歌，不過多年冇拍戲的江華似乎都冇戲癮，事關早前古天樂旗下的天下一電影開拍電影版《尋秦記》，佢都拒絕演出，話覺得冇必要用同一個角色拍續集，直言唔知電影版想表達乜嘢！

 

當年江華都有份拍《尋秦記》。

不過人哋開電影版，江華就拒演。

 

咁唔拍戲又冇台登嘅日子，江華撈緊乜呢？之唔係同好多港星一樣喺內地直播帶貨囉！日前江華在內地網上直播平台帶貨賣珠寶，足足賣咗5粒鐘，江華都好落力幾乎樣樣珠寶都戴上身試吓，最高峰有2000幾人睇，不過成交嘅生意就連100單都冇，銷情似乎有啲慘淡噃！

 

江華日前喺內地直播平台帶貨。

 

落力Sell網民，不過冇乜人買……

 

立即下載 | 全新《星島頭條》APP : https://bit.ly/3yLrgYZ

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。