頭條獨家丨「港姐十強」黃婉恩疑搲食tea出彈弓Po 林柏希叫好好地做人

前新城副台長林柏希(Will)離職後,近年轉軍飲食界做公關總監。今日凌晨在私人Facebook分享一位「港姐十強」疑不守信行為,寫道:「正所謂一樣米養百樣人,當中一定有好嘅,亦都有啲古靈精怪嘅,今次交手嘅女仔,可以話用一個Tea Set 嘅價錢已經睇到佢嘅品行。」

文中講述,有一日有個女仔於IG發訊息給他工作的餐廳,表示有興趣去餐廳「試」Tea set。其後林柏希的同事查閱這個女仔的IG後,發現是某一屆香港小姐選舉的十強入圍佳麗。他寫道:「講真,我完全唔知佢乜水,見佢都有三萬幾 followers,就諗住互惠互利啦。」而「試食」條件就是要在IG發一則帖文換,「唔係我朋友,亦唔係我邀請,公事公辦在商言商,我提出我嘅要求,你做到就嚟,唔想嘅咪算囉,或者你可以俾錢幫襯我俾個折你都得,最重要大家開心,唔好任何一邊蝕底。」隨後就交由餐廳同事負責。

而這位「港姐十強」疑未如雙方事前協定,只在IG Story(限時動態)貼出當天的相片,只有一張背面,更沒有餐廳Tea set。他的同事見到後好心提醒當時的協定,對方沒有回覆。但當晚終於在IG帖文上貼出了一張自己的大頭照,不過Tea set的相片是完全模糊的,也有標記餐廳名字。翌日,餐廳同事想cap圖做記錄用作media clipping(媒體剪報)時,卻發現了這名「港姐十強」靜悄悄將該IG帖文下架。最後他也寫道:「唔好再用呢啲招數去其他餐廳呃飲呃食啦。」

林柏希凌晨出Po鬧「港姐十強」搲食Tea Set唔守信用,但冇開名。

「港姐十強」最初在IG Story貼背相,但未有食物相。

 

林柏希與多位藝人相熟。

李司棋與陳敏之。

Jeffrey

 

記者翻看近年「港姐十強」,疑似是2020年落選港姐黃婉恩(Yancy),她的IG內已post回當日的相片,《頭條娛樂》今日向林柏希查詢,他指自己是在私人Facebook出post,並不是想公審她,林柏希說:「佢inbox我哋搲話嚟試,我話ok,你出番wall post囉,第二日出咗個story,但冇Tea Set冇盛,又冇餐廳名。隔咗十日八日都冇post,同事問佢,佢就出番有樣有Tea Set嘅,但第二日已經delete咗,我就覺得有冇搞錯!但我係喺私人Facebook講,唔係想公審佢,等呢行啲人警戒吓,呢個係你agree。你想我請你食,我叫你出個post,你覺得唔啱咪唔好嚟囉,報導出街後又放番出嚟。但之前係隱藏咗,唔係睇漏,我已cap咗本身隱藏咗嘅status,所以唔好拗。」

問是否黃婉恩?他說:「始終細路女,我都唔想開名搞大件事,總之以後好好地做人,好好地做事咪好囉。」

黃婉恩的IG有3.6萬個Followers。

林柏希不點名投訴後,Yancy個Po又突然彈出。

黃婉恩是2020年港姐十強佳麗。

立即下載 | 全新《星島頭條》APP : https://bit.ly/3yLrgYZ 

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

黎明詩逝世丨FB突更新帖文以一曲作道別 歌詞令人心酸:跟你愉快但太短

64歲何家勁自揭前列腺肥大 轉型從商傳身家逾億 旗下廠房獲頒龍頭企業殊榮

【STMG x MIRROR獨家有禮】密切留意!加拿大星島送MIRROR多倫多演唱會門票4張 + 12子全員簽名海報10張

汪小菲晒巨鑽戒指向新歡求婚成功! 再戀台妹:我還是一樣愛台灣

都市網新聞