Juicy叮|男同事初四請假放到初七 自爆:老婆唔想我派利是

農曆新年將至,又是已婚打工仔向同事派利是的時候。不過,有網民指公司一名已婚男同事申請年初四放假,一直放假到年初七,更自爆是妻子故意要求,避免要向未婚同事派利是,令事主不禁覺得此舉好「核突」!

有男網民在「香港討論區」發文,指公司一名已婚男同事在去年農曆新年後入職,上月底已申請年初四(24日)放假;由於今年農曆新年初一至三為星期二至四,初四請假即可「連放6日」,直至年初七(星期一)才上班。

事主日前查看月曆發現該名男同事請假,便多口詢問原因,追問「係咪為咗放多幾日假呀?」怎料對方竟自爆只為避免派利是,「(佢話)純粹因為佢老婆唔想派利是畀未結婚同事,所以叫佢攞假,到星期一返工嗰陣都已經初七(27日),唔使再派利是」。

其後有人問該名男同事,之前在其他公司任職時,是否同樣會為了避派利是而請假,對方直認不諱,又指「之前冇疫情就會去旅行,連親戚朋友啲利是都可以慳返」。

事主指該名同事並非上司,本來亦沒預計對方會派利是,直言「大家咁高咁大,派唔派都冇所謂啦」,但不禁形容對方的妻子「核突咗囉」,又認為派利是一份心意,應在心甘情願的情況下派,「派唔派都係心意,講真大家都係同事,都唔好意思收佢嗰封。心意嘅嘢,派要派得心甘情願,好多人都係有著數先會同你講嘢」。

帖文引起網民討論,不少人都批評該名男同事「唔識做人」,「做人做到咁,真係冇乜意思」、「一封利是都係十蚊廿蚊,咁都唔X派,你唔係窮到咁下話?」、「其實唔派都無所謂啦!講埋出嚟好似肉酸咗」。不過有人認為此舉並無不妥,「其實派唔派有咩好講,我以前公司有幾個同事,從來唔會派,大家講句恭喜發財,開開心心就得,個100幾十有咩緊要」。

亦有網民對派利是文化感到困惑,「我覺得現在派利是有時候好尷尬?究竟係已婚要派畀未婚,定係級別高派畀級別低?已婚人是否要派畀未婚上司?未婚人又是否要派(畀)已婚下屬?」

資料來源:「香港討論區」

立即下載 | 全新《星島頭條》APP : https://bit.ly/3yLrgYZ

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

東涌單位起火 女戶主燒傷4貓送命 逾百人疏散另兩女不適送院

元朗水邊圍邨女子墮樓 送院後不治

赤鱲角男廚師疑工作不愉快辭職 失蹤兩日後浮屍海面

東區5月辦「夜飛龍巡遊」 議員建議用「Loong」命名 一原因無被採納|Kelly Online

都市網新聞