頭條獨家丨陳豪醒你冇得輸冧妻方法 活力中佬 50歲跳街舞好腰力

陳豪(Moses)於今年TVB台慶「思密Party」環節中,應李思捷要求講出「最想結婚的TVB女藝人」時,陳豪即答陳茵媺,被網民激讚心中只有老婆。事實上阿Mo為咗畀老婆及3子女幸福舒適生活真係好落力,日前他為新劇《四十二章經》拍外景,劇情需要大跳街舞,雖然手腳唔多協調但努力去跳,疫情下好注重防疫嘅阿Mo仲跳到成個人貼晒落地,睇唔出50歲嘅佢腰力依然強勁!採訪:方騫平 攝影:葉君海由TVB金牌監製陳維冠(Joe) 監製的《四十二章經》是一套融合歷史及功夫元素的劇集,飾演豬肉婆嘅龔嘉欣前世與鰲拜有關,今世遇上「古老石山」教授陳豪,二人經常發生磨擦如前世冤家。日前兩人於上環拍外景,場口講述陳豪大跳街舞?返嬲嬲豬嘅嘉欣。

嘉欣讚陳豪冇氣喘

阿Mo平日冇乜跳舞,為咗接受呢場挑戰都打醒十二分精神,記者現場直擊,當日開早班嘅陳豪精神爽利,演出前仍攝時間跟老師惡補,加碼苦練。到正式埋位,他隨住老師喺機後打拍子123456…提示,跟隨音樂旋律扭動身體,前後擺動條腰,再揈手揈腳玩打功夫式free style,跳到踎咗落地,再用手及身體撐喺地面係咁「印」,最後旋轉一個圈後秒速彈返起身。雖然動作有啲生硬,但總算流暢,最重要勇氣可嘉。估唔到50歲陳豪仲好有活力,尤其條腰好有力,渾身是勁。當日最受歡迎演員
當日陳豪好受街坊歡迎係咁被「集郵」,對於挑戰難度跳街舞,他笑說:「真係未試過,我完全唔知發生乜事,監製突然落指令話一定要跳街舞,惟有趁唔使開工嗰日練咗幾個鐘,哈!我有Hip-Hop細胞,所以出嚟好似樣。」在旁嘅龔嘉欣都大讚阿Mo超勁,連跳兩分鐘都冇氣喘。陳豪笑住話有畀條跳舞片囡囡睇:「佢大讚『我爹哋係全世界最好嘅。』」

好Enjoy家庭生活

對於台慶當晚表現獲讚畀到老婆安全感,陳豪笑說:「我都唔知答乜咪將肚入面答案講出嚟囉,其實係我想黐實老婆同啲細路,有家庭生活係咁㗎啦!我好Enjoy同佢哋一齊,全部時間畀晒佢哋,就算陪佢哋做啲無聊嘢都冇所謂。(跳返part舞?佢哋?)佢哋想嘅話我會渾身解數做乜都得,其實維繫夫妻同子女關係要放心血落去。」阿Mo仲教大家最簡單嘅冧妻方法,就係唔好有秘密,佢話由day 1開始就係咁做。

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

湯君耀湯君慈鬥做運動捐「惜食堂」膳食券

彭秀慧澄清同AL冇合作 仲做緊《阿媽有咗第二個》後期

楊茜堯餵夜奶超眼瞓 洪永城舉手嗌同步

2022虎年運程|司徒法正2022虎年生肖運程-鼠

都市網新聞