張敬軒跨年紅館騷加開至18場 戒掉通宵睇手機癮爭取休息

張敬軒將於本月尾開始在紅館舉行《THE NEXT 20演唱會》,但早前15場門票開售不久已火速售馨,不少歌迷依然未能搶購到門票,經過再三安排後,主辦單位今日宣佈加開明年1月13日至15日最後3場演唱會,加場門票將於後日(8日)在網上發售。
軒仔多謝歌迷對他的支持,他表示能力可以應付的話就盡量唱多幾場,以免令歌迷失望,此外,軒仔更收到歌迷私訊,指有騙徒借機行騙:「有歌迷朋友同我講,有人冒稱係演唱會贊助商,指可以代買演唱會飛,但當大家俾咗錢後,當然就係搵唔到對方。」軒仔獲悉後便向公司爭取希望能再加場。

軒仔如何保養身體以應付18場演唱會?他表示:「今次我有專業團隊照顧我聲帶健康,聲樂老師同照顧我聲帶嘅醫生商量過,得出嚟嘅專業意見係吩咐我唱5日休兩日係最好,咁樣聲帶就可以得到最佳狀態,所以公司一早就已經按照呢個專業意見去規劃我成個演出,依家我唯一敵人就係部手機囉,大家都知我有手機成癮症,成日一睇就唔知點解又天光,演唱會期間真係要戒。」軒仔笑言若自己戒不掉陋習,可能屆時直情叫人沒收了他的手機。

share to wechat

延伸閱讀

share to wechat

延伸閱讀

張晉帶蔡少芬食大碗麵夠貼地 「愛的祈願」牆互拍冧到爆

韓男團WINNER李昇勳確診 剛跟成員合體為隊長慶生

INFINITE成種續約僅七個月 突宣佈離合作13年Woollim娛樂

陶大宇願打折頭回巢拍《愛回家》 大小姐讚親和力足以倒轉地球

都市網新聞