梁樂民親解電影《梅艷芳》為日本歌手洗白 全因初戀兩個字

《梅艷芳》導演梁樂民作客車淑梅主持的《舊日的足跡》,節目將於明日(12月5日)在香港電台第一台播出。梁樂民本身是梅艷芳歌迷,也因電影公司老闆江志強的緣故而開拍電影《梅艷芳》。梁樂民謂:「老闆係個浪漫嘅人,當年電影《十面埋伏》預咗梅姐,可惜當時佢嘅身體狀況唔理想,最後冇接拍。老闆亦記掛住電影公司(開業)初期梅姐曾經幫手站台,覺得自己欠佢(梅姐)一部戲,要紀錄呢份情......我見過梅姐一次,佢喺上海拍《半生緣》,我去探班,佢見我『嗨!』一聲,好快問我『食咗嘢未?』可見佢真心關心每一個人,我記住咗,努力想放入電影,等大家都有呢種感覺。」
電影上映後,不少梅姐的歌迷心中有好多疑問,首先為何要幫日本歌手洗白? 梁導解釋是因為相信對方是梅姐心目中的初戀,他說:「喺女孩子嘅眼裡,初戀情人唔會係壞嘅,或者有一啲事佢(梅姐)唔想知,甚至唔想被紀錄。」他透露電影公司老闆有預告知會日本歌手,但未知對方有沒有看:「片中唔講佢全名,就係出於對佢嘅尊重。」

其次是為什麼梅姐為姐姐結婚而吵架?梅姐不是這樣小器的人。梁導解釋:「嗰個年代姐姐出嫁就等如失去咗一個相依為命、可以倚靠嘅親人,相信佢本人都唔願意向大家表達嗰種不捨嘅心情。」 而最後是梅姐一早已經宣佈不領獎,她不會為「最受歡迎女歌手」獎項而不安。梁導說:「我哋只係設計一個機會,等梅姐講述自己並非為後浪趕上而轉向(參與)公益事務,佢嘅出發點對得起天地良心。」

share to wechat

延伸閱讀

share to wechat

延伸閱讀

《進擊的巨人》最終季Part 2迎傳奇結局 動畫版《哲仁王后》玩BL元素

曾比特拍短劇三代同堂 自爆想屋企人梳爆炸頭影全家福

張馨月放閃從後攬實老公行超市 讚林峯好帥

飯戲攻心丨Stephy新一年不急於搵姻緣 林明禎稱呼對方為阿姐

都市網新聞