頭條獨家丨林子博移英出首份糧出街食飯慶祝 鬧爆樓上鄰居狂丟未熄煙頭

50歲林子博遵從亡妻董燕君遺願,今年8月底帶同16歲長女詠渝及12歲細仔卓楠移民英國,至今生活已安頓下來,一家在曼徹斯特落腳。對於半百人生先嚟適應新生活,子博被讚有勇氣:「佢兩個係我最寶貴最親嘅人,所以點樣改變都冇所謂,最緊要佢哋喺我身邊。」採訪:方騫平
林子博移民英國初期波折重重,尤其抵英一個月後仍跟子女住喺曼徹斯特的酒店,由於酒店並非有效的住址證明,子女遲遲未能報讀學校被網民鬧爆。後來全家人又搬到到郊區諾域治,惟因未能為子女報讀學校,無奈又搬返去曼徹斯特,?家子博以月租1,100英鎊(約1.2萬港元)搬入一個全新嘅3房公寓單位,內裡有齊傢俬電器包車位,不過由於用料較差甩漏處處,!

怕得重症帶仔去打針
不過講到最令子博不滿是非常冇品的樓上住客,「屋苑內冇華人,我住喺低層,但露台成日發現未熄嘅煙頭,樓下公家空地更加係重災區,真係嬲到爆。我惟有攝字條去住戶信箱,提醒樓上住客唔好亂拋煙頭!如果樓下火燭樓上都走唔甩,我唔係挑釁都係講道理啫!」除此之外,英國至今(截稿前)有32宗新變種病毒Omicron確診個案,子博日前同阿仔都去咗打疫苗,「都冇得話驚唔驚,而係控制唔到,最驚反而係呢度啲人唔戴口罩,學生除咗中招唔使返學,學校規定病住都要上堂,但佢哋又唔戴口罩,真係幾大鑊,所以要去到打針呢步,就算預防唔到,都唔想受感染後得到重症。」
久不久幫襯中式超市
子博強調全家人出外都有戴口罩,亦好少去人多擠迫嘅地方。「之前詠渝及卓楠交叉感染發燒唔退,英國冇乜人睇私家醫生,多數買成藥搞掂。」英文麻麻嘅子博為咗子女努力適應新生活,「冇問題喎,我哋上一代咪就係咁有冒險精神落嚟香港,每個人移居都係想追求另一種生活。卓楠讀緊year 8,詠渝就讀專科學校,兩個都識到啲新朋友,詠渝仲搵到排舞室學跳舞,大概4至6蚊英磅一堂(約41至62港元),收費算平。而我做地產公司主持直播都出咗第一份糧,一家人出咗去食飯慶祝,如果唔係成日出街食飯份糧都夠使,呢度一包大雞扒有12塊只係賣30蚊港元(3英鎊)咋,真係開心價,?家兩父子會喺屋企煮飯,首選食較平嘅地道嘢,食到悶悶哋先會去中超買餸,相對菜芯等中式嘢價錢較貴。」

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

陳浩民夫婦食小龍蝦不吃頭尾被批浪費 蔣麗莎反寸網民食唔起

Zara涉與丈夫聯手性侵13歲少女 被判8年有期徒刑

Ella開心好姊妹有人照顧 Selina提起男友怕怕醜醜

前男友的遺書丨綾瀨遙自爆未夠30歲想退休 拍新劇養出肚腩仔

都市網新聞