星宅大曝光|楊詩敏珍藏郭富城閃咭 住村屋奉行斷捨離

由郭偉亮(Eric)、黃芳雯(Paula)、霍嘉恩(Gracey)主持的香港開電視全新節目《星宅大曝光》,下周一(29日)播出首集,Eric與Paula走訪了楊詩敏(蝦頭)位於清水灣的村屋住所,蝦頭表示對村屋情有獨鍾,除了可以養寵物外,亦可以享受大自然氣色,展現了蝦頭鏡頭以外琴棋書畫「平靜」一面。蝦頭說:「我鍾意住村屋,因為鍾意藍天白雲,大自然吸啖空氣都清新好多,我有少少難住番巿區密集式嘅大廈。」

蝦頭與媽媽同住700呎村屋,她表示:「同屋企人住,係超級大嘅學習,因為我18歲已經搬出去住,去啲男朋友屋企同居,避開家人,可能以前細個唔識點同家人相處,直至兩年幾前,機緣巧合地想照顧媽媽,初時感覺『呢鋪大劑』,不過住落之後一啲事都冇,原來佢都好體恤、好開放咁面對(新相處模式)。」
蝦頭住所以簡約風為主,奉行斷捨離。她謂:「之前我係將所有嘢擺晒出嚟,會將啲公仔、玩具放喺個架度,但個架冇玻璃封住,擺到封晒塵,之前睇咗本書教人斷捨離同收納方法,於是我就跟住做一次。」蝦頭將所有雜物都收納在膠盒,盒裏不乏有記念冊、舊戲飛以及大疊「郭富城閃咭」,期間蝦頭表示現階段可以將其中一箱物品進行斷捨離,Eric聞言笑說:「如果你係男仔,我會Expect呢箱係鹹書!」Eric被問到有否儲鹹書,他說:「冇儲過,全部都係借番嚟!細個時候冇鹹書,全部都係睇我爹哋嗰啲,男仔好少儲呢啲嘢,通常借人。」

share to wechat

延伸閱讀

share to wechat

延伸閱讀

野佬MC $oho & KidNey鬥搞笑 Dear Jane玩人浪RB壓軸安哥

星野南爆戀富二代後宣布離隊

頭條獨家丨姚子羚幻想陳豪做老公 拍《拳王》跟黎耀祥偷師

獨家|應采兒鄭希怡綜藝接不停豬籠入水 四女星舉家遷內地子女讀名校

都市網新聞